سه‌ری ساڵی كۆچی پیرۆزبێت
سه‌ری ساڵی كۆچی پیرۆزبێت
ئه‌مڕۆ، 1ی موحه‌ره‌می ساڵی 1438ی كۆچییه، , واته ئه‌مڕۆ یه‌كه‌م ڕۆژی ساڵی نوێی كۆچییه، ئه‌م بۆنه‌یه‌ش له‌ناو گه‌لانی مسوڵمانداو كوردیش وه‌ك یه‌كێك له‌و گه‌لانه به ڕۆژێكی گرنگ دێـته ئه‌ژمار، ئه‌ویش ڕۆژی كۆچی پێغه‌مبه‌ری ئیسلام (درودی خوای له‌سه‌ر) بوو له مه‌ككه‌وه بۆ مه‌دینه، بهو كۆچه گه‌وره‌یه‌ش په‌یامبه‌ری ئیسلام توانی له مه‌دینه ده‌وڵه‌تێك له‌سه‌ر بنه‌مای ئاشتی‌‌و پێكه‌وه ژیان دابمه‌زرێنێت‌و ده‌ستورێك دابڕێژێت له‌سایه‌یدا هه‌موو پێكهاته جیاوازه‌كانی ئه‌و شاره ببنه خاوه‌ن ماف، له هه‌مانكاتدا ئه‌ركی هه‌ركه‌سه‌ش له‌و ده‌وڵه‌ته‌دا دیاریكراوبوو.
ئێمه له به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگا سلێمانی، بهو بۆنه مه‌زنه‌وه، جوانترین پیرۆبایی خۆمان ئاراسته‌ی هه‌موو مسوڵمانان ده‌كه‌ین، به‌تایبه‌ت هاووڵاتیانی خۆشه‌ویستی كوردستان‌و كارمه‌ندانی به‌ڕێزی سنوری به‌ڕێوه‌به‌رایه‌تیمان‌و هیوای پشوویه‌كی خۆشتان بۆ ده‌خوازین، هیوادارین خوای گه‌وره ساڵی داهاتوو ئه‌م بۆنه گه‌وره‌یه له دۆخێكدا به‌سه‌رماندا بگێڕێته‌وه كه كوردستان له گرفت‌و كێشه‌كانی ڕزگاری بووبێت، به‌تایبه‌ت ته‌واوكردنی ئه‌و سه‌ركه‌وتنه گه‌ورانه‌ی پێشمه‌رگه‌ی ڕۆڵه‌ی به‌وه‌فای كوردستان تۆماریانده‌كات به‌سه‌ر دوژمنان‌و ناحه‌زانی وڵاتدا.
دووباره پیرۆزبێت ساڵی نوێی كۆچی، گه‌وره كۆچی په‌یامبه‌ری ئاشتی‌‌و پێكه‌وه ژیان.
ڕاگه‌یاندنی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی
2ی 10ی 2016
|