بەڕێوەبەری گشتی پێشوازی لە بەرپرسی یاسایی ڕێکخراوی (هارتلاند) دەکات.
ئەمڕۆ ، سێ شەممە ، ۱۲ـی نیســـانـی ٢٠٢٢، به‌ڕێز م.ئیسماعیل ڕەشید ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێز ،فەرەیدون عەزیز ، سەرپەرشتیاری پڕۆژەی پاراستنی منداڵ، پێشوازی کرد لە بەڕێز هاوکار لەتیف ،بەرپرسی بەشی یاسایی لە ڕێکخراوی (هارتلاند).
لە دیدارێکدا گفتوگۆ کرا دەربارەی ئەو خزمەتگوزاریانەی ڕێکخراوی ناوبراو پێشکەشی دەکات لە بواری یاسایی و مرۆیی، هەروەک هەردولا هاوڕابوون لە سەر هەماهەنگی و هاوکاری کردنی یەکتر لە پێناو خزمەت کردنی زیاتری ئاوارەو پەنابەران لە سنوری پارێزگای سلێمانی.
|