بەڕێوەبەری گشتی پێشوازی لە وەزیری کارو شاندێکی بەڕێوەبەرایەتی گشتی ڕۆشنبیری دەکات .
ئەمڕۆ پێنج شه‌ممه، ٧ـی نیسانی ٢٠٢٢، م.ئیسماعیل ڕەشید به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، پێشوازی دەکات له بەڕێز خاتوو کوێستان محەمەد ، وه‌زیری كارو كاروباری كۆمه‌ڵایه‌تی و شاندێکی بەڕێوەبەرایەتی گشتی ڕۆشنبیری سلێمانی کە پێک هاتبوون لە بەڕێزان د.محسن ئەیوب بەڕێوەبەری گشتی و هاوکار ئەسکەندەر ، بەڕێوەبەری بەڕێوەبەرایەتی ڕۆشنبیری منداڵان .
سه‌ردانی بەڕێز وه‌زیری كار بۆ شاری سلێمانی به‌مه‌به‌ستی سەرپەرشتی کردنی كۆبوونه‌وه‌ی هاوبه‌شی نێوان وەزارەتی کارو کاروباری کۆمەڵایەتی و وەزارەتی ڕۆشنبیری بوو کە بە ئامادەبوونی بەڕێوەبەری سەنتەرەکانی چالاکی منداڵان لە پارێزگای سلێمانی بەڕێوەچوو.
ئامانجی کۆبونەوەکە گفتوگۆ کردن بوو لەسەر کاری هاوبەشی نێوان وەزارەتی کار و کارو باری کۆمەڵایەتی و وەزارەتی ڕۆشنبیری و تێیدا ژمارەیەک بڕیاری گرنگ سەبارەت بە سەنتەرەکان درا لە پێناو خزمەت کردنی زیاتر بە منداڵانی پارێزگای سلێمانی و گوێگرتن له داواو گرفت‌و كێشه‌كانی سەنتەرەکان ..
|