به‌ڕێوه‌به‌ری گشتی دایەنگەی گەشەی ناحکومی بەسەردەکاتەوەو بەشداری چالاکی دایەنگەکە دەکات.
ئەمڕۆ ، چوار شەممە ، ٦ـی نیســـانـی ٢٠٢٢، به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به هاوڕێیه‌تی به‌ڕێز خاتوو حەلیمە فەتاح، به‌رپرسی به‌شی دایه‌نگه‌كان دایه‌نگه‌ی گەشەی ناحکومی به‌سه‌ركرده‌وه.
له‌‌و سه‌ردانه‌یدا به‌ڕێز به‌ڕێوه‌به‌ری گشتی به‌دواداچوونی ته‌واوی بۆ كاره كارگێڕیی‌‌و یاساییه‌كانی دایه‌نگه كردو ژوورو هۆڵه‌كان‌و به‌شه جیاجیاكانی به‌سه‌ركرده‌وه‌و به‌دواداچوونی بۆ ژیانی منداڵه‌كان كرد و بەشداری کرد لە چالاکی منداڵانی دایەنگەکەو دەست خۆشی لە بەڕێوەبەرو ستافی دایەنگەکە کرد
له به‌دواداچوونه‌كانیدا به‌ڕێز به‌ڕێوه‌به‌ری گشتی جه‌ختی له ڕه‌خساندنی ژینگه‌یه‌كی گونجاو بۆ گه‌شه‌ی منداڵه‌كان كرده‌وه، هه‌ربۆیه ژماره‌یه‌ك ڕێنمایی ئاراسته‌ی دایه‌نگه‌كرد و هیوای خواست باشتر خۆیان بۆ خزمه‌تی منداڵانی دایه‌نگه یه‌كلا بكه‌نه‌وه و په‌ره به تواناكانیان بده‌ن به شێوه‌یه‌كی زانستی، ئه‌مه سه‌ره‌ڕای چڕكردنه‌وه‌ی كاره‌كانی لیژنه‌كانی سه‌رپه‌رشتی‌‌و به‌دواداچوون بۆ كاره‌كانی دایه‌نگه.
|