بەڕێوەبەری گشتی پێشوازی لە شاندێکی ده‌زگای ژیان بۆ مافه‌كانی مرۆڤ دەکات.
ئەمڕۆ ، سێ شەممە ، ٥ـی نیســـانـی ٢٠٢٢، به‌ڕێز م.ئیسماعیل ڕەشید ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێز ،ئاراس ناصر ، بەرپرسی پارێزگاری خێزان، پێشوازیكرد له شاندێكی ڕێكخراوی ژیان بۆ مافه‌كانی مرۆڤ كه پێكهاتبوون له به‌ڕێزان م.سه‌ڵاح عارف ئه‌حمه‌د، سه‌رۆكی ڕێكخراوه‌كه‌و د.جه‌مال عومەر، سەرپەرشتیاری زانستی‌و د. شەریف جەودەت بەڕێوەبەری لقی سلێمانی دەزگاکە.
لە چوارچێوه‌ی سه‌ردانه‌كه‌دا شاندی ده‌زگای ژیان، سوپاسی به‌ڕێوه‌به‌ری گشتی كرد له پای هه‌ماهه‌نگی‌‌و كاری پێكه‌وه‌یی‌‌و ئاسانكارییان بۆ كاره‌كانی ڕێكخراوو سه‌ركه‌وتنی پڕۆژه‌ی كلینیكی ڕاهێنانه‌وه‌ی قوربانیانی توندوتیژی له شاری چه‌مچه‌ماڵ.
پاشان وەک وەڵامێک بۆ سەردانی بەڕێز بەڕێوەبەری گشتی لە ڕێکەوتی ٣١ـی ئاداری ٢٠٢٢ ،بۆ دەزگای ژیان لە شاری چەمچەماڵ کە داوا کرابوو بینای دەزگاکە چۆڵ بکرێت و لە جێگەیدا بکرێت بەماڵێکی بەساڵاچوان ، شاندی ناوبراو داوای کرد کاتی زیاتر بە دەزگاکە بدرێت بۆ چۆڵکردنی ، لە به‌رانبه‌ردا به‌ڕێز به‌ڕێوه‌به‌ری گشتی سوپاسی ڕێكخراوه‌كه‌ی كرد له به‌رانبه‌ر هه‌ڵوێستیانداو جه‌ختی كرده‌وه له‌سه‌ر ئه‌وه‌ی به‌ڕێوه‌به‌رایه‌تی گشتی كردوویه‌تی به ئه‌ركی خۆی زانیوه‌له پێناو به‌رژه‌وه‌ندی گشتی‌‌و خزمه‌تی زیاتری بەساڵاچوان.
هه‌ر له‌و سه‌ردانه‌دا جه‌خت كرایه‌وه له‌سه‌ر به‌رده‌وامی كاری پێكه‌وه‌یی‌‌و هه‌ماهه‌نگی له چوارچێوه‌ی كارو ئامانجه هاوبه‌شه‌كاندا.
|