بەڕێوەبەری گشتی دایەنگەی شاری پزیشکان بەسەردەکاتەوە.
ئیسماعیل ڕەشید : چاودێر دەبین لەسەر دایەنگەکان تا باشترین خزمەت بە منداڵان بکرێت .
ئەمڕۆ ، سێ شەممە ، ٥ـی نیســانی ٢٠٢٢، بەڕێز م. ئیسماعیل ڕەشید ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی،بە هاوڕێیەتی بەڕێزان خاتوو حەلیمە فەتاح ، بەرپرسی بەشی دایەنگەکان ، دایه‌نگه‌ی شاری پزیشکانی به‌سه‌ركرده‌وه.
له‌و به‌سه‌ركردنه‌وه‌یه‌دا به‌ڕێز به‌ڕێوه‌به‌ری گشتی منداڵانی دایه‌نگه‌ی به‌سه‌ركرده‌وه كه دابه‌شبوو بوون به‌سه‌ر هۆڵه جیاجیاكاندا به پێی ته‌مه‌نه‌كانیان، هه‌روه‌ك گوێگرت بۆ بهرنامهو پلانی ڕۆژانه‌ی دایه‌نگه‌و ستافه‌كانیان بۆ مندڵان.
له‌باره‌ی شێوازی مامه‌ڵه‌ی دایه‌نگه‌و ستافه‌كانیه‌وه به‌ڕێز م.ئیسماعیل ڕەشید جه‌ختیكرده‌وه له بایه‌خدان به‌و بهرنامهو چالاكیانه‌ی كه ده‌بنه هۆی گه‌شه‌ی هه‌مه‌لایه‌نه‌ی منداڵ‌و له ڕێنمایی‌‌و سیستمی دایه‌نگه‌كاندا چوارچێوه‌كه‌ی ده‌ستنیشانكراوه، هه‌روه‌ك جه‌ختی كرده‌وه كه چاودێر دەبین لەسەر دایەنگەکان تا باشترین خزمەت بە منداڵان بکرێت .
به‌سه‌ركردنه‌وه‌كه به‌شێكه له‌و گرنگیپێدانه‌ی كه پلان‌و به‌رنامه‌ی به‌ڕێوه‌به‌رایه‌تی گشتیه به‌مه‌به‌ستی دڵنیابوونه‌وه له‌وه‌ی دایه‌نگه‌كان شوێنێكی شایسته‌ن بۆ گه‌شه‌ی منداڵ‌و له ڕێگه‌ی جۆراو جۆره‌وه چاودێری ژیانی منداڵان‌و بهرنامهو چالاوكییه‌كانی دایه‌نگه‌كان ده‌كرێت بۆ هێنانه‌دی ئه‌و ئامانجه.
|