به‌ڕێوه‌به‌ری گشتی ماڵه‌كانی منداڵانی کوڕان و یەکەی پەکەوتە به‌سه‌رده‌كاته‌وه‌و ده‌ستخۆشی له كارمه‌ندان ده‌كات.
ئەمڕۆ چوار شەممە ، ٢٣ـی ئەدارـی ٢٠٢٢، به‌ڕێز م. ئیسماعیل محەمەد ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، هه‌ردوو ماڵی منداڵانی کوڕان و یەکەی پەکەوتەی به‌سه‌ركرده‌وه‌و له سه‌ردانه‌كه‌یدا چاوی به به‌رپرس‌و كارمه‌ندان كه‌وت و له ژیانی منداڵانی و پەکەوتەکانی پرسییه‌وه.
له‌و سه‌ردانه‌یدا به‌ڕێز به‌ڕێوه‌به‌ری گشتی ده‌ستخۆشی له‌خاتوو ژیار جه‌لال، به‌ڕێوه‌به‌ری چاودێری كۆمه‌ڵایه‌تی سلێمانی‌‌و بەرپرسانی یەکەی پەکەوتەو ماڵی منداڵانی کوڕان ، سه‌رجه‌م كارمه‌ندان كرد كه به خشته‌یه‌كی ڕێك‌و پێك ده‌وام و پابه‌ندییه‌كانیان ڕێكخستووه‌و ئه‌ركی خۆیان به‌رانبه‌ر منداڵان و پەکەوتەکان جێ به‌جێ ده‌كه‌ن.
هه‌روه‌ك له‌گه‌ڵ منداڵانی ماڵه‌كه به‌ڕێز به‌ڕێوه‌به‌ری گشتی گفتوگۆی كردو له كێشه‌و گرفته‌كانی كۆڵیه‌وه‌و ئامۆژگاریكردن كه پابه‌ندی ڕێنماییه‌كان بن و هەروەها ڕێنمای دابە بەرپرس و کارمەندانی ماڵی منداڵانی کوڕان کە پەروەردە، كارێكی سادە نییە و كارێك نییە بتوانرێت فەرامۆش بكرێت، بەڵكوو ئـەركێكی پیرۆز و قورس و هەستیارە و پێویستی بە شارەزایی و كارامەیی و ئـارامی و پشوودرێژی هەیە.
|