وۆرک شۆپی خراپترین شێوازی کاری منداڵ و لیستی کارە مەترسیدارەکان له‌سه‌ر ئاستی هه‌رێمی كوردستان به‌ڕێوه‌چوو.
ئەمڕۆ سێ شەممە، ١٥ـی ئاداری ٢٠٢٢ ، به ئاماده‌بوونی به‌ڕێز خاتوو كوێستان موحه‌ممه‌د، وه‌زیری كارو كاروباری كۆمه‌ڵایه‌تی‌‌و هه‌ریه‌كه له به‌ڕێزان م. ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و خاتوو شلێر سەردار ڕەمزی ،ئاڕاستەکاری بەرنامە، لە ڕێکخراوی منداڵپارێزی کوردستان، ژماره‌یه‌ك له به‌رپرسانی وه‌زاره‌تی كارو بەڕێوەبەرانی گشتی هه‌ولێرو دهۆك‌و به‌رپرسانی بواری پاراستنی منداڵ له ڕێكخراوەکان، وۆرك شۆپێكی تایبه‌ت بە خراپترین شێوازی کاری منداڵ و لیستی کارە مەترسیدارەکان له‌سه‌ر ئاستی هه‌رێمی كوردستان ،کە وەزارەتی کارو کاروباری کۆمەلایەتی و رێکخراوی مندالپارێزی کوردستان و بە پالپشتی رێکخراوی کاری جیھانی ڕێکیخستبوو .لە هۆتێل کلاسی له شاری هه‌ولێر به‌ڕێوه‌چوو.
له سه‌ره‌تای وۆرك شۆپه‌كه‌دا، به‌ڕێز وه‌زیری كارو كاروباری كۆمه‌ڵایه‌تی وته‌یه‌كی پێشكه‌شكردو له وته‌كه‌یدا به بایه‌خه‌وه باسی له چوارچێوه‌ی یاسایی و ڕێوشوێنه‌كان كرد بۆ پاراستنی منداڵ ودورخستنەوەی لە کارە مەترسیدارەکان له هه‌رێمی كوردستان و ئاماژه‌ی به‌و ڕێو شوێنانە كرد كه پێویستە بنرێت لە هه‌رێمی كوردستان له بواری پاراستنی منداڵ .هه‌روه‌ك ئاماژه‌یه‌ك به به‌رنامەو كاره‌كانی وه‌زاره‌ت دا له بواری ڕاهێنان‌و گرنگیدان به نوێكردنه‌وه كارو چاككردنی كه‌م‌و كورتییه‌كان له بواری كاری وه‌زاره‌تی كاروكاروباری كۆمه‌ڵایه‌تی
وۆرك شۆپه‌كه نزیكه‌ی پێنج سه‌عات به‌رده‌وام بوو و تیایدا ئاماده‌بووان گفتوگۆی بواره جیاجیاكانی په‌یوه‌ست به پرسی کارە مەترسیدارەکانی منداڵ له هه‌رێمی كوردستان كرد.
|