بەڕێوەبەرایەتی گشتی لە ڕۆژی جیهانی ژنان دا ڕێزلێنانی بەخشیە ١٠ خۆبەخش و کارمەند.
ڕۆژی سێ شەممە ، ٨ـی ئادارــی ٢٠٢٢، لە ڕۆژی جیهانی ژنان دا به سه‌رپه‌رشتی به‌ڕێز هیوا ڕەحمان ، نوێنەری بەڕێز به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی و ئاماده‌بوونی به‌ڕێوه‌به‌ری كارگێڕی‌‌و شاره‌زاكانی دیوان و به‌رپرسی به‌شه‌كان، مه‌راسیمێكی تایبه‌ت به بە ڕۆژی جیهانی ژنان بەڕێوەچوو .
لە مەراسیمەکەدا ڕێزلێنان بەخشرا بە ١٠ کارمەندی خوبەخش له پای كاری دڵسۆزانه‌یان له ساڵی ٢٠٢١.
له‌و مه‌راسیمه‌دا، به‌ڕێز نوێنەری به‌ڕێوه‌به‌ری گشتی وته‌یه‌كی پێشكه‌شكردو له وته‌كه‌یدا پاش پیرۆزبایی ٨ی مارس لە هەموو ژنانی کورستان و بەڕێوەبەرایەتی گشتی بەتایبەتی ئامانجه‌كانی مه‌راسیمه‌كه‌ی خسته‌ڕوو، هه‌روه‌ك وتی:"به بایه‌خه‌وه له كاری خۆبەخشان و كارمه‌ندانمان ده‌ڕوانین، ئه‌وه‌ش له پێناو باشتركردنی ئه‌دای زیاتر بۆ کاركردنی هاووڵاتیانی خاوه‌ن پێداویستی تایبه‌ت و له بواری چاودێری كۆمه‌ڵایه‌تی " هه‌روه‌ك هیوای خواست له ساڵی ٢٠٢٢، کاری خۆبەخشی زیاتر بەرەو پێش بەرین .
له‌لای خۆیانه‌وه خۆبەخش و کارمەندان به سوپاسی خۆیان ئاراسته‌ی به‌ڕێز بەڕێوەبەری گشتی و نوێەری بەڕێزیان کرد و ده‌ستخۆشیان له سه‌رجه‌م به‌رپرس‌و به‌رپرسی به‌شه‌كانی دیوانی گشتی كرد له پشتیوانی و هاوكاریكردنیان هاندانیان بۆ كاری باشتر، هه‌روه‌ك مه‌راسیمه‌كه‌یان به شایسه‌و پڕ بایه‌خ زانی‌‌و به‌ڵێنیشیاندا له ساڵی ٢٠٢٢ باشترو زیاتر ئه‌ركه‌كانیان جێ به‌جێ بكه‌ن.
|