بەڕێوەبەری گشتی پێشوازی لە کەسایەتی خێر خوازی دیاری شاری سلێمانی شێخ عەلی شێخ عزالدین دەکات.
ئەمڕۆ یەک شەممە، ٦ـی ئادارـی ٢٠٢٢، بەڕێز م. ئیسماعیل ڕەشید محەمەد، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، بە ئامادە بوونی بەڕێزان ، هیوا ڕەحمان ، ڕاوێژکاری یاسایی ، بەختیار عەلی بەرپرسی بەشی ئەندازیاری، پێشواز لە کەسایەتی خێرخوازی دیاری شاری سلێمانی ، و بەڕێز شێخ عەلی شێخ عزالدین دەکات.
پاش پیرۆزبایی لە بەڕێز بەڕێوەبەری گشتی بەهۆی دەستبەکاربونیان لە ئەرکی نوێ ،ئامانجی سەردانەکەیان ڕوون کردەوە و گفتوگۆیان لەسەر پڕۆژەیەکی خێرخوازی گرنگ کرد کە دروست کردنی دایەنگەیەکی پێشکەوتووی مۆدێرنە لە پڕۆژەی زانکۆ سیتی لەسەر ڕووبەری ١٠٠٠ مەتر دووجا ، کە پڕۆژەکە تەواو خێرخوازی دەبێت و خزمەتێکی گەورە بە پارێزگای سلێمانی دەکات.
پاشان بەڕێز ،بەڕێوەبەری گشتی دەستخۆشی لێکرد و ئەو جۆرە پڕۆژانەی بە گرنگ باس کرد و جەختی لەسەر کوالتی هەر پڕۆژەیەک کردەوە کە بە ڕەچاوکردنی تایبەتمەندی خزمەتگوزارییە تەندروستی و کۆمەڵایەتییەکان لە ڕوانگەی بەرژەوەندی منداڵان و بەرزکردنەوەی ئاستی خزمەتگوزاری بێت .
جێی ئاماژەیە، بەرێوەبەرایەتی گشتی چاودێری و گەشەپێدانی کۆمەڵایەتی سلێمانی، لە چوارچێوەی پلان و ستراتیجی کارکردنی خۆیدا، و لە رێگەی دامەزراوەکانیەوە، گرنگی تەواو بە جیاوازی و تایبەتمەندی منداڵان دەدات بەشێوەیەکی گشتیش هەوڵ دەدات بەشێوەیەکی زانستیانەو سەردەمیانە خزمەتگوزاری کۆمەڵایەتی پێشکەش بە چین‌و تویژەکان بکات.
|