بەڕێوەبەری گشتی ماڵی نەوجەوانانی کوڕان بەسەردەکاتەوە.
ئەمڕۆ یەک شه‌ممه، ٦ـی ئادارـی ٢٠٢٢ ،به‌ڕێز م. ئیسماعیل ڕەشید ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، بە هاوڕێیەتی بەڕێزان ، خاتوو گەشاو عومەر ، شارەزای دارایی ، ئاراس ناصر ، بەرپرسی پارێزگاری خێزان ، هیوا ڕەحمان ، ڕاوێژکاری یاسایی ، ماڵی نه‌وجه‌وانانی کوڕانی به‌سه‌ركرده‌وه‌و له سه‌ردانه‌كه‌یدا چاوی به به‌رپرس‌و كارمه‌ندان كه‌وت و له ژیانی منداڵانی پرسییه‌وه.
هه‌ر له چوارچێوه‌ی سه‌ردانه‌كه‌یدا به‌ڕێز به‌ڕێوه‌به‌ری گشتی ، بۆدڵنیابونەوە ،لە کوالیتی و تەندروستی و خشتەی خواردن و جۆر و بڕی خواردنی کۆڵیەوە.
هه‌ر له‌و سه‌ردانه‌یدا به‌ڕێز به‌ڕێوه‌به‌ری گشتی ده‌ستخۆشی ،لە به‌رپرسی ماڵی نه‌وجه‌وانانی كوڕان ، سەرجەم كارمه‌ندانی ماڵەکە كرد كه به خشته‌یه‌كی ڕێك‌و پێك ده‌وام‌و پابه‌ندییه‌كانیان ڕێكخستووه‌و ئه‌ركی خۆیان به‌رانبه‌ر منداڵان جێ به‌جێ ده‌كه‌ن.
هەروەک به‌ڕێز به‌ڕێوه‌به‌ری گشتی ،له‌گه‌ڵ منداڵانی ماڵه‌كه گفتوگۆی كردو له كێشه‌و گرفته‌كانی كۆڵیه‌وه‌و ئامۆژگاریكردن كه پابه‌ندی ڕێنماییه‌كان بن‌و هه‌وڵ بده‌ن کاتەکانیان بە خوێندنەوەو وانەکانی قوتابخانە و وەرزش کردن بەسەر ببەن.
|