بەڕێوەبەری گشتی پێشوازی لە شاندێکی ڕێکخراوی HCHR دەکات.
ڕۆژی پێنج شەممە، ۳ـی ئازارـی ٢٠٢٢، بەڕێز م. ئیسماعیل ڕەشید محەمەد، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، پێشوازی کرد لە شاندێکی ڕێکخراوی ناوەندی نیشتیمانی بۆ مافەکانی مرۆڤ (HCHR) .
لە کۆبونەوەیەکدا گفتوگۆ کرا لەسەر کێشەو گیروگرفتەکانی ماڵی داڵدەدانی ژنانی هەڕەشەلێکراو و ئەو کارو چالاکیانەی ڕێکخراوی ناوبراو ئەنجامیان داوەو ،ڕاپۆرتی کارو چالاکیەکانی ساڵی ٢٠٢١ یان پێشکەش بە بەڕێز بەڕێوەبەری گشتی کردو داوایان کرد هەماهەنگی زیاتر هەبێت تا بتوانن خزمەتی زیاتر بە ماڵی داڵدەدانی ژنانی هەڕەشەلێراوی سلێمانی بکەن .
لای خۆیەوە به‌ڕێز به‌ڕێوه‌به‌ری گشتی كاره‌كانی ڕێكخراوی (HCHR )ی به گرنگ وه‌سفكردو پێشوازی له ده‌ستپێشخه‌رییه‌كه‌یان كردو میكانیزمی گونجاوی بۆ ڕێكخستنی چۆنیه‌تی سودوه‌رگرتن له ده‌ستپێشخه‌رییه‌كه‌یان ده‌ستنیشان کردو به‌شی نوسینگەی بەڕێز بەڕێوەبەری گشتی ڕاسپارد هه‌ماهه‌نگی ته‌واو بكات له‌گه‌ڵ ڕێكخراوی ناوبراو بۆ سودوه‌رگرتن له توانای مامۆستاو ڕاهێنه‌رانی ڕێكخراوه‌كه بۆ باشتر خزمه‌تكردنی دامه‌زراوه كۆمه‌لایه‌تییه‌كان‌و به‌هاناوه‌چوونی ئه‌و سودمه‌ندانه‌ی ڕووبه‌ڕووی ته‌نگژە ده‌بنه‌وه. بڕیار وایە کۆبونەوەی داهاتوو ئەنجام بدرێت و یاداشتێکی لێکتێگەیشتن واژوو بکرێ.
|