سلێمانی، كۆنگره‌ی ڕێكخراوی جه‌سته به‌خشان به‌ڕێوه‌چوو
به ئاماده‌بوونی ژماره‌یه‌ك له به‌رپرسانی حكومی‌‌و ئه‌ندامانی په‌رله‌مانی كوردستان، ڕێكخراوی جه‌سته‌به‌خشانی كوردستان یه‌كه‌مین كۆنگره‌ی خۆی له شاری سلێمانی به‌ڕێوه‌برد.
سه‌رله‌به‌یانی ڕۆژی سێشه‌ممه، 6ی 9ی 2016، به دروشمی" پێشمه‌رگه گیانی ده‌به‌خشێت، با ئێمه جه‌سته‌ی مردوومان"، ڕێكخراوی جه‌سته‌به‌خشانی كوردستان به ئاماده‌بوونی ژماره‌یه‌ك له میوان‌و ئه‌ندامانی ڕێكخراوه‌كه له هۆڵی هۆتێل تایتانیك له شاری سلێمانی، یه‌كه‌مین كۆنگره‌ی خۆی به‌ڕێوه‌بردن له‌و كۆنگره‌یه‌دا، فه‌رهاد قادر، سه‌رۆكی ڕێكخراوه‌كه وێڕای به‌خێراهێنانی ئاماده‌بووان باسی له ئه‌ركه‌كانی ڕێكخراوه‌كه كردو كه خۆی له بایه‌خ‌و گه‌وره‌یی ڕوحی مرۆڤدا ده‌بینێته‌وه، هه‌روه‌ك ئاماژه‌ی به پلانی كاره‌كانی داهاتووی ڕێكخراوه‌كه‌دا كه هه‌وڵدانه بۆ بوونه ئه‌ندام له ڕێكخراوی نێوده‌وڵه‌تی په‌یوه‌ندیدار .
ڕێكخراوی جه‌سته‌به‌خشانی كوردستان، ڕێكخراوی خێرخوزاییه‌و ئه‌ركی هاندانی خه‌ڵكه بۆ به‌خشینی ئه‌ندامانی جه‌سته‌یان به‌‌و هاووڵاتیانی پێویستیانه‌و به‌هۆی ڕووداوه‌كانه‌وه ئه‌ندامێكی جه‌سته‌یان له‌ده‌ست ده‌ده‌ن.
|