بەڕێوەبەری گشتی پێشوازی لە کەسایەتی دیاری شاری سلێمانی زاهیر کریم ڕەشید دەکات.
ڕۆژی سێ شەممە، ١ـی ئازارـی ٢٠٢٢، بەڕێز م. ئیسماعیل ڕەشید محەمەد، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، پێشواز لە کەسایەتی دیاری شاری سلێمانی بەڕێز زاهیر کەریم ڕەشید ، و حەمە غەریب کەلەکنی دەکات.
پاش پیرۆزبایان لە بەڕێز بەڕێوەبەری گشتی بەهۆی دەستبەکاربونیان لە ئەرکی نوێ ،ئامانجی سەردانەکەیان ڕوون کردەوە کە پڕۆژەی دروست کردنی ماڵێکی پێشکەوتویان بۆ بەساڵاچوان باس کرد ، پڕۆژەکە لە کەرتی تایبەت دەبێت و خزمەتێکی گەورە بە پارێزگای سلێمانی دەکات.
پاشان بەڕێز ،بەڕێوەبەری گشتی دەستخۆشی لێکردن و ئەو جۆرە پڕۆژانەی بە گرنگ وەسف کرد و جەختی لەسەر کوالتی هەر پڕۆژەیەک کردەوە کە بە ڕەچاوکردنی تایبەتمەندی خزمەتگوزارییە تەندروستی‌‌و فسیۆلۆجی و کۆمەڵایەتییەکان و لە ڕوانگەی بەرژەوەندی بەساڵاچووان و بەرزکردنەوەی ئاستی پێشکەشکردنی خزمەتگوزاری بێت .
جێی ئاماژەیە، بەرێوەبەرایەتی گشتی چاودێری و گەشەپێدانی کۆمەڵایەتی سلێمانی، لە چوارچێوەی پلان و ستراتیجی کارکردنی خۆیدا، و لە رێگەی دامەزراوەکانیەوە، گرنگی تەواو بە جیاوازی و تایبەتمەندی بەساڵاچووان دەدات‌و بەشێوەیەک گشتیش هەوڵ دەدات بەشێوەیەکی زانستیانەو سەردەمیانە خزمەتگوزاری کۆمەڵایەتی پێشکەش بە چین‌و تویژەکان بکات.
|