بەڕێوەبەری گشتی بەشی ئەندازیاری بەسەر دەکاتەوەو دەست خۆشی لە ستاف و کارمەندان دەکات.
ڕۆژی سێ شه‌ممه، ١ـی ئازارـی ٢٠٢٢، به‌ڕێز م.ئیسماعیل ڕەشید محەمەد، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی ، بەشی ئەندازیاری سەر بە بەڕێوەبەرایەتی گشتی به‌سه‌ركرده‌وه.
له‌و به‌سه‌ر كردنه‌وه‌یه‌دا به‌ڕێز به‌ڕێوبه‌ری گشتی له نزیكه‌وه هۆبه‌و شوێنه جیاجیاكانی به‌ڕێوه‌بردن‌و ئەندازیاری به‌سه‌ر كرده‌وه‌و گوێی له داواو پێشنیاری کارمەندان گرت و ڕایسپاردن بە زوترین کات دەست بە دروست کردنی هۆڵی بەڕێوەبەرایەتی تۆڕی پاراستنی کۆمەڵایەتی بکەن ، کە ئاسانکاری زیاتر بۆ سەردانیکەرانی هاوڵاتیانی خاوەن پێداویستی تایبەت دەکات.
له‌باره‌ی كاره‌كانی بەشی ئەندازیاری به‌ڕێز به‌ڕێوه‌به‌ری گشتی ده‌ستخۆشی له بەڕێز بەختیار عەلی، به‌رپرسی بەش و سه‌رجه‌م ستافه‌كانی ئەندازیاری كرد له به‌رانبه‌ر كاركردنی دڵسۆزانه‌یاندا، هه‌روه‌ك ڕێنماییكردن كه هه‌میشه پابه‌ندی یاساو ڕێنماییه‌كان بن، به‌تایبه‌ت ڕێنماییكردن بۆ په‌ره‌پێدانی پڕۆژە تەواونەکراوەکانی سەر بە بەڕێوەبەرایەتی گشتیمان.
|