"ئامانجیان پیرۆزبایی و ده‌ربڕینی پشتیوانی بو بۆ بەڕێوەبەرایەتی گشتی"
بەڕێوەبەری گشتی پێشوازی لە شاندێکی کۆمەڵی دادگەری دەکات .
ڕۆژی پێنج شەممە، ٢٤ـی شوباتـی ٢٠٢٢ ، بەڕێز م.ئیسماعیل ڕەشید محەمەد ،بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ،لە دیوانی بەڕێوەبەرایەتی گشتی ، پێشوازی کرد لە شاندێکی کۆمەڵی دادگەری ،کە پێک هاتبوون لە بەڕێزان ، کوردستان حەمە ڕەشید ،بەرپرسی مەکتەبی قوتابیان و لاوان وم. یوسف حسێن و صەباح فایەق کارگێڕانی مەڵبەند و، دانا محەمەد و بێگەرد عەتار ،ئەندامانی مەکتەبی هەڵبژاردن و ئامار.
لە دیدارێکدا پاش ئەوەی پیرۆزبایی دەستبەکاربونیان لە بەڕێز بەڕێوەبەری گشتی کرد هیوای سەرکەوتنیان بۆ خواست و پاڵپشتی و پشتیوانی خۆیان و کۆمەڵی دادگەریان بۆ دامەزراوەی کۆمەڵایەتی دوپات کردەوە .
پاشان بەڕێوەبەری گشتی سوپاسی کردن و پاڵپشتیه‌كه‌یانی به هاندانێكی گرنگ زانی بۆ خزمەت کردنی پڕۆسەی کۆمەڵایەتی لە پارێزگای سلێمانی ،دڵنیای دا کە بە پشتیوانی خواو پاشان کارمەندانمان لە ئاست چاوەڕوانی هاوڵاتیانمان دەبێت.
|