+ وێنه: به‌ڕێوه‌به‌ری گشتی كاری لیژنه‌كان‌و هاووڵاتیانی خاوه‌ن پێداویستی تایبه‌ت به‌سه‌ر ده‌كاته‌وه
به مه‌به‌ستی له نزیكه‌وه ئاگاداربوون له چۆنییه‌تی به‌ڕێوه‌چوونی كاری لیژنه‌كانی پێاچوونه‌وه‌ی هاووڵاتیانی خاوه‌ن پێداویستی تیابه‌ت‌و به‌سه‌ركردنه‌وه‌ی به‌رپرس‌و كارمه‌ندانی تۆڕی پاراستنی كۆمه‌ڵایه‌تی، به‌ڕێوه‌به‌ری گشتی به‌ڕێوه‌به‌رایه‌تی تۆڕی پاراستنی سلێمانی به‌سه‌ركرده‌وه.
ڕۆژی دوو شه‌ممه، 5ی 9ی 2016، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به هاوڕێیه‌تی ئاشتی ئیبراهیم، یاریده‌ده‌ری به‌ڕێوه‌به‌ری گشتی‌‌و سه‌رۆكی باڵای لیژنه‌كانی سه‌رله‌نوێ پیاچوونه‌وه‌ی كه‌مئه‌ندامان له پارێزگای سلێمانی، سه‌ردانی به‌ڕێوه‌به‌رایه‌تی تۆڕی پاراستنی كۆمه‌ڵایه‌تی سلێمانی كردو له نزیكه‌وه چاودێریی پرۆسه‌ی سه‌ر له نوێ تۆماركردنه‌وه‌ی هاووڵاتیانی خاوه‌ن پێداویستی تایبه‌تی له لایه‌ن لیژنه‌كانی كۆمه‌ڵایه‌تییه‌وه بۆ پڕكردنه‌وه‌ی فۆرم به‌سه‌ركرده‌وه.
له‌و به‌سه‌ر كردنه‌وه‌یه‌دا به‌ڕێوه‌به‌ری گشتی ده‌ستخۆشی له لیژنه‌كانی تۆڕی پاراستنی كۆمه‌ڵایه‌تی سلێمانی كرد كه سه‌ره‌ڕای سه‌ختییه‌كانی ڕێیان‌و دواكه‌وتنی مووچه‌كانیان دڵسۆزانه ئه‌ركه‌كانیان ڕاده‌په‌ڕێنن‌و به په‌رۆشییه‌وه به ده‌م كاری هاووڵاتیانی خاوه‌ن پێداویستییه‌وه ده‌چن، هه‌روه‌ها به‌ڕێوه‌به‌ری گشتی له وته‌كانیدا بۆ سه‌رۆك‌و ئه‌ندامانی لیژنه‌كان، هانیدان زیاتر ئارام بگرن له به‌ڕێكرنی كاری هاووڵاتیان‌و چه‌ند نه‌رم‌و نیان بن باشتر توانیویانه نوێنه‌رایه‌تی دامه‌رزاوه‌ی كۆمه‌ڵایه‌تی بكه‌ن.
هه‌روه‌ك به‌ڕێوه‌به‌ری گشتی له‌و سه‌ردانانه‌یدا، گوێی له هاووڵاتیانی خاوه‌ن پێداویستی تایبه‌ت‌و كه‌س‌و كاره‌كانیان گرت‌و ڕوونكردنه‌وه‌ی پێویستی پێدان له ڕووبه‌ڕووكردنه‌وه‌ی هه‌ر پرسیارێكدا.
|