به‌ڕێوه‌به‌ری گشتی: ڕاهێنانی كارمه‌ندو ستافه‌كانمان كارێكی ته‌واو گرنگه به ئاراسته‌ی گه‌شه‌پێدانی تواناكانی دامەزراوەکانمان .
لە درێژەی کارو چالاکیە بەردەوامەکانیدا ڕۆژی چوار شه‌ممه، ٢٣ـی شوباتی ٢٠٢٢، لە هوڵی هۆتێل تایتەنیک بە سەرپەرشتی بەڕێوەبەرایەتی گشتی چاودێڕی و گەشەپێدانی کۆمەڵایەتی سلێمانی و بە هەماهەنگی ڕکخراوی تراینگڵ ڕاهێنانێک بۆ توێژەرانی سەنتەری ئۆتیزمی حکومی لە سلێمانی و ماڵەکانی کچان و کوڕانی بەڕێوەبەرایەتی چاودێری کۆمەڵایەتی سلێمانی بەڕێوەچوو .
به‌ڕێز م.ئیسماعیل ڕەشید محەمەد ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به هاوڕێیه‌تی هه‌ریه‌كه له به‌ڕێزان م.ئاراس ناصر، به‌رپرسی به‌شی پارێزگاری خێزان، ئەندازیار،بەختیار عەلی ، بەرپرسی بەشی ئەندازیاری، ڕاهێنانەکەیان بەسەرکردەوەو تیایدا بەڕێز بەڕێوەبەری گشتی وتەیەکی پێشکەش کردو ئەو جۆرە چالاکیانەی بە گرنگ زانی و ڕوونی کردەوە پێویستە تەواوی تواناکانمان بۆ خزمەت کردنی بواری کۆمەڵایەتی لە سلێمانی بەکار بخەین و ووتی کەڕاهێنانی كارمه‌ندو ستافه‌كانمان كارێكی ته‌واو گرنگه به ئاراسته‌ی گه‌شه‌پێدانی تواناكانی دامەزراوەکانمان .
ئەوەی شایەنی باسە ڕاهێنانەکە لەسەر بابەتی( فۆڕمەکانی بەڕێوەبردنی حاڵەتی پاراستنی منداڵ ) بەڕێوە دەچێت و ،وانەکانی ڕاهێنانەکە لە لایەن بەڕێز خاتوو بەنان وەهاب ، ڕاهێنەر لە بواری پاراستنی منداڵ دەوترێتەوە .
|