"بەڕێوەبەری گشتی: بەردەوام چاودێر دەبین لەسەر جۆری ئەو خواردنەی پێشکەش بە سودمەندانمان دەکرێت"
بەڕێوەبەری گشتی سەرپەرشتی کۆبونەوەیەک بۆ خشتەی خواردنی سودمەندانی چاودێری کۆمەڵایەتی سلێمانی دەکات.
ئەمڕۆ سێ شەممە ، ٢٢ـی شوباتی ٢٠٢٢ ، بەڕێز م. ئیسماعیل ڕەشید محەمەد، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی. لەگەڵ خاتوو ژیار جەلال بەڕێوەبەری چاودێری کۆمەڵایەتی سلێمانی و مافناس ڕێبوار ڕەسول، بەرپرسی بەشی یاساو مافناس هیوا ڕەحمان، ڕاوێژکاری یاسایی ، خاتوو دڵکەش لێپرسراوی کارگێڕی چاودێری کۆمەڵایەتی سلێمانی، کۆبویەوە.
ئامانجی کۆبونەوەکە ڕێکخستنەوەو دانانی بەرنامەیەکی خۆراکی تەندروست بوو بۆ سودمەندانی ماڵەکانی (بەساڵاچوان و منداڵان و کوڕان و کچان و داڵدەدانی ژنانی هەڕەشەلێکراو).
لە کۆبونەوەکەدا خاتوو ژیار جەلال میكانیزمه‌كانی كاركردنی چاودێری کۆمەڵایەتی بۆ ژەمە سەرەکیەکانی خستەڕوو.
وەئاماژه‌یان به‌ومیکانزمانە دا کە ژەمە خۆراکێکی تەندروست بۆ منداڵان و بەساڵاچوان بەرهەم دێت به ڕه‌چاوكردنی ڕێنماییه تەندروستیەکان .وە هە بونی سه‌رجه‌م به‌ها خۆراكییه پێویسته‌كان بۆ گه‌شه‌یه‌كی ته‌ندروست‌و سروشتی منداڵ ڕه‌چاو بکرێت.
پاشان بەڕێوەبەری گشتی ئامادە بوانی ڕاسپارد و پێی ڕاگەیاندن کە بەردەوام چاودێر دەبین لەسەر جۆری ئەو خواردنەی پێشکەش بە سودمەندانمان دەکرێت و پێویستە لیژنەکانی بەدواداچون وردتر مامەڵە بکەن بۆ دڵنیابونەوە لە باش جێبەجێ کردنی و پێشکەش کردنی خۆراک بە پێی خشتەی دیاری کراو لە تەندەری بەڕێوەبەرایەتیماندا.