" سەنتەری ئۆتیزم كۆتایی به ڕاهێنانێكی سێ ڕۆژه بۆ کارمەندان و فەرمانبەرانی سەنتەری ئۆتیزم هێناو بڕوانامه به‌سه‌ر به‌شداربوواندا دابه‌شكرا"
ئەمڕۆ پێنج شەممە ، ١٧ـی شوباتــی ٢٠٢٢ ، بە ئامادەبونی بەڕێزان م. ئیسماعیل ڕەشید بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، لەتیف شێخ عەزیز بەڕێوەبەری چاودێری کەمئەندامانی سلێمانی ، ئاراس ناصر ، لێپرسراوی پارێزگاری خێزان ، هیوا سەعید ، سەرپەرشتیاری پەروەردەیی لە هۆڵی سەنتەری ئۆتیزم کۆتایی بە ڕاهێنانێکی سێ ڕۆژە هات کە بۆ ژمارەیەک لە فەرمانبەران و کارمەندانی سەنتەری ئۆتیزمی حکومی سەر بە بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی کرابووەوە.
سەرەتابەڕێز بەڕێوەبەری گشتی بەشەکانی سەنتەری ئۆتیزمی بەسەر کردەوەو لەگەڵ هەریەک لە بەڕێوەبەرو بەرپرسانی سەنتەرەکە کۆبویەوەو هەندێک ڕێنمای پێویستی پێدان و لە گرفت و کێشەکانینی کۆڵیەوە.
پاشان لە کۆتایی ڕاهێنانەکە بەژداری کردوو ووته‌یه‌كی پێشكه‌شكرد له وته‌كه‌یدا وێڕای سوپاس بۆ ئه‌و به‌ڕێزانه‌ی به‌شداربوون له سه‌رخستنی كاره‌كانی ڕاهێنانه‌كه، ئاماژه‌ی به ستراتیجی كاری به‌ڕێوه‌به‌رایه‌تی گشتی كرد له مامه‌ڵه‌كردن له‌گه‌ڵ خول‌و ڕاهێنانه‌كانداو جه‌ختی كره‌وه له‌وه‌ی به‌ڕێوه‌به‌رایه‌تی گشتی ستراتیجیانه ده‌یەوێت گرنگی بە ستافی سەنتەری ئۆتیزم بدرێت.
ڕاهێنانەکە بۆ ماوەی سێ ڕۆژ و وانەکان لە لایەن هەریەک لە بەڕێزان ، م.رەحمان عەلی، پسپۆرو شارەزا لە ئۆتیزم و گرفتە ژیرییەکاندا ،د.رێبوار حمە غریب پزیشکی دەروونی، م.ئەمیر، راگەیاندنی بەرگری شارستانی، وترانەوە.
له ڕێگه‌ی ئه‌و ڕاهێنانه‌وه فەرمانبەرانی به‌شداربوو بڕوانامەی بەشداریان پێبەخشراو توانای پێویستیان وه‌رگرت بۆ باشتر خزمه‌تكردن لە بواری ڕاهێنانی ئۆتیزم و بەرگری شارستانی.
|