ڕۆژی چوارشەممە ١٧ـی شوباتـی ٢٠٢٢ ٫بەسەرپەرشتی خاتوو زەکیە سەید سالح ،بریکاری وەزارەتی کارو کاروباری کۆمەلایەتی لەدیوانی وەزارەت بە ئامادەبونی بەڕێزان م.ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، بەڕێوەبەرانی گشتی کۆمەڵایەتی، نوێنەری وەزارەتی تەندروستی و پەوەردە و رۆشنبیری و لاوان و دەستەی مافی مرۆڤ کۆبونەوەی ئەنجومەنی شیاندن بەڕێوەچوو.

تەوەری سەرەکی کۆبونەوەکە بریتی بوو لە ھەمواری سیستەمی سندوقی چاودێری و شیاندنەوەی خاوە نپێداویستی تایبەت کەلە یاسای ماف و ئیمتیازاتی خاوەنپێداویستی تایبەت ژمارە ٢٢ی سالی ٢٠١١ ماددەی چوارەم و سێیەم ئاماژەی پێ دراوە.

بەشداربوان راو پێشنیاریان سەبارەت بە رەشنووسی ئەو سندوقە خرایە روو گفتوگۆی تەواو لەسەر ماددەکان کراو ، دواتر بە کۆی دەنگ رەشنوسەکە پەسەند کرا .