"ئامانجیان پیرۆزبایی و ده‌ربڕینی پشتیوانی بو بۆ بەڕێوەبەرایەتی گشتی"
بەڕێوەبەری گشتی بەجیا پێشوازی دەکات لە مەکتەبی زانایانی کۆمەڵی دادگەری و ڕاوێژکاری سەرۆکی کۆمەڵی دادگەری.
ئەمڕۆ سێ شەممە،١٥ـی شوباتـی ٢٠٢٢ ، بەڕێز م.ئیسماعیل ڕەشید محەمەد ،بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ،لە دیوانی بەڕێوەبەرایەتی گشتی، لە دوو دیداری جیادا پێشوازی کرد لە شاندێکی مەکتەبی زانایان و بانگخوازانی کۆمەڵی دادگەری ، کە پێک هاتبوون لە بەڕێزان، م.یاسین بێسەری ،بەرپرسی مەکتەبی زانایان و بانگخوازانی کۆمەڵی دادگەری و (م.محمودی ئازادی و د. ئەبوبەکری صدیقی ،د.شاخەوان سیامەنصوری) ئەندامانی کارگێڕی مەکتەب.
ئامانجی سه‌ردانه‌كەیان پیرۆزبایی بوو لە بەڕێوەبەری گشتی و پشتیوانی و ده‌ستخۆشی بو له به‌رپرس‌و كارمه‌ندانی دامەزراوەی کۆمەڵایەتی ،كه سه‌ره‌ڕای گیروگرفته‌كان دڵسۆزانه كارو خزمه‌تی خۆیان بۆ منداڵان‌و به‌ساڵاچووان و خاوەنپێداویستی تایبەت درێژه پێداوه‌و سه‌ركه‌وتووانه خزمه‌ت دەکەن.
٭ لە دیدارێکی تردا بەڕێوەبەری گشتی پێشوازی لە بەڕێز ، د.کامەران بابازادە ، ڕاوێژکاری سەرۆکی کۆمەڵی دادگەری کرد. و پاش ئەوەی پیرۆزبایی دەستبەکاربونی لە بەڕێوەبەری گشتی کرد هیوای سەرکەوتنی بۆ خواست و پاڵپشتی و پشتیوانی خۆی و کۆمەڵی دادگەری بۆ دامەزراوەی کۆمەڵایەتی دوپات کردەوە .
پاشان بەڕێوەبەری گشتی سوپاسی کردن و پاڵپشتیه‌كه‌یانی به هاندانێكی گرنگ زانی بۆ خزمەت کردنی پڕۆسەی کۆمەڵایەتی لە پارێزگای سلێمانی ،دڵنیای دا کە بە پشتیوانی خواو پاشان کارمەندانمان لە ئاست چاوەڕوانی هاوڵاتیانمان دەبین
|