بەڕێوەبەری گشتی : دابین كردنی شوێنێكی گونجاوو خزمەت كردنی بەساڵاچوان ئەركمانە .
بەڕێوەبەری گشتی پڕۆژەی بینای نوێی ماڵی بەساڵاچوان بەسەردەکاتەوە.
ئەمڕۆ١شەممە ،١٣ی٢ی٢٠٢٢ ، بەڕێز م،ئیسماعیل محەمەد ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، بە یاوەری بەڕێزان ئاریان ئەحمەد ، نوێنەری وەزیری كارو كاروباری كۆمەڵایەتی ،خاتوو ژیار جەلال ، بەڕێوەبەری چاودێری كۆمەڵایەتی سلێمانی ، خاتوو بەناز بەڕێوەبەری ماڵی بەساڵاچوانی سلێماتی ،ئەندازیار ، ڕەوەز سوارە ،لەبەشی ئەندازیاری ، بینای نوێی ماڵی بەساڵاچوانی لە شارەدێی سیتەک بەسەرکردەوە.
لەوسەردانەدا بەڕێز بەڕێوەبەری گشتی لە گیروگرفتەکانی تەواو بونی بیناکە کۆڵیەوەو داوای کرد پەلە بکرێت لە ڕاپەڕاندنی کارەکان و تاواو کردنی بیناکە .
هەروەها بەڕێز بەڕێوەبەری گشتی ڕایگەیاند، دابین كردنی شوێنێكی گونجاوو خزمەت كردنی بەساڵاچوان ئەركمانە . وبە خۆشحاڵیەوە کارەکانی پڕۆژەکە بە ڕێژەی لە ٪٩٠ تەواو بوەو دەست خۆشی لە بنەماڵەی خێرخواز (مام حەمە میرزا) کرد و دەستخۆشی لە تەواوی ستاف و کرێکارانی پڕۆژەکان دەکەم و پاڵپشتی خۆم و بەڕێوەبەرایەتی گشتی چاودێری کۆمەڵایەتی سلێمانی بۆ هەر پڕۆژەیەکی هاوشێوە دوپاتدەکەمەوە .
جێگەى باسە، پرۆژەی دروستکردنی بینای نوێی ماڵی بەساڵاچووانی سلێمانی لە شارەدێی سیتەک، پڕۆژەیەکی خێرخوازیەو لەلایەن خانەوادەی (مام حەمەمیرزا)و کوڕو نەوەکانیەوە دروست دەکرێت‌و لە بەرواری، ٨ی ٨ی ٢٠٢٠، گرێبەستی کارکردنەکەی ڕاگەیەنرا
|