بە بۆنەی هاتنی ساڵی نوێ وە بەڕێوەبەری گشتی پەیامێکی پیرۆزبایی بڵاودەکاتەوە.
بەڕێز ،نەهرۆ عەبدوڵڵا عەلی، بەڕێوەبەری گشتی چاودێری و گەشەپێدانی کۆمەڵایەتی ، لە پارێزگای سلێمانی بە وەکالەت، بە بۆنەی هاتنی ساڵی نوێی زاینیەوە پەیامێکی پیرۆزبایی ئاراستەی هاوڵاتیان و کارمەندان و فەرمانبەران دەکات کە ئەمەی خوارەوە دەقەکەیەتی.
بەڕێزان ..هاوڵاتیانی خۆشەویست.. به‌بۆنه‌ی هاتنی ساڵی نوێی زاینی (٢٠٢٢) ، جوانترین پیرۆزبایی خۆم و بەڕێوەبەرایەتی گشتیمان ئاراستەی جیهان و کوردستان و پارێزگای سلێمانی بە تایبەت و کارمەندان و فەرمانبەران و مامۆستایان و سودمەندانمان لە ماڵەکانی بەساڵاچوان و کوڕان و کچان و منداڵان و شەڵتەر و هاوڵاتیانی خاوەنپێداویستی تایبەت دەکەین و لە خوای گەورەو باڵادەست داواکارین ، ساڵی ئاینده‌ساڵی خۆش گوزەرانی و ساڵی خێرو خۆشییه‌كانی گه‌لى كورد بێت و كۆتایی ناخۆشی و گرفت و ناڕەحەتیەکانتان بێت.
دوبارە ساڵی نوێ لە هەموو لایەک پیرۆزبێت و کوردستانیش هەمیشە ئاوەدانتر و ئارامتر بێت.
نەهرۆ عەبدوڵڵا عەلی
بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی. بە وەکالەت
٣١ی کانونی یەکەمی/٢٠٢١
|