بەڕێوەبەری گشتی پێشەنگای کاری دەستی سزادراوانی چاکسازی گەوران دەکاتەوە.
ئه‌مرۆ پێنج شەممە، ٢/دیسەمبەری/٢٠٢١ ، بە نوێنەرایەتی بەڕێز خاتوو ،کوێستان محەمەد ، وەزیری کارو کاروباری کۆمەڵایەتی بەڕێز ،نەهرۆ عەبدوڵڵا عەلی، به‌ڕێوه‌به‌ری گشتی چاودێریو گه‌شه‌پێدانی كۆمه‌ڵایه‌تی له پارێزگای سلێمانی بە وەکالەت ،به هاوڕێیه‌تی بەڕێز ،ئاراس ناسر، لێپرسراوی بەشی پارێزگاری خێزان، پێشەنگایەکی تایبه‌تی کاری دەستی سزا دراوانی چاکسازی گەوران لە سلێمانیان کردەوە.
کە بە ئاماده‌بوونی ژماره‌یه‌ك له ئه‌ندامانی په‌رله‌مانی كوردستان‌و پسپۆران‌و توێژه‌رانی كۆمه‌ڵایه‌تی‌و ژماره‌یه‌ك میوان به‌ڕێوه‌چوو .
له سه‌ره‌تای مه‌راسیمه‌داكه‌دا بەڕێز بەڕێوەبەری گشتی وتەیەکی پێشکەش کردو بە ناوی وەزیری کارو کاروباری کۆمەڵایەتیەوە سوپاس و دەست خۆشی لە بەرپرس و کارمەندانی بەڕێوەبەرایەتی چاکسازی گەوران کردو دەستخۆشی لەو سزادراوانە کرد کە بەشداربوون لە پێشەنگاکەو کارو چالاکیەکانی بەرز نرخاند تا لەو ڕێگەوە بتوانین بە باشترین شێوە سزادراوان بگەڕێندرێنەوە بۆ ناو کۆمەڵگا.
پاشان چه‌ند وته‌یه‌ك پێشكه‌شكران‌و دواتر له رێگه‌ی ئامێری داتاشۆوه ئه‌رشیفی چالاكی‌و كاره‌كانی به‌رێوه‌به‌رایه‌تی چاكسازی نمایشكران.
جێی باسه، به‌رێوه‌به‌رایه‌تی چاكسازی گه‌ورانی سلێمانی، به‌رێوه‌به‌رایه‌تیه‌كی چاكسازی كۆمه‌ڵایه‌تیه سه‌ر به وه‌زاره‌تی كارو كاروباری كۆمه‌ڵایه‌تی‌و له ئێستادا زیاتر له هه‌زار سزادراوی له خۆگرتووه.
|