دەقی پەیامی بەڕێوەبەری گشتی لە یادی لەدایکبوونی پێغەمبەری ئیسلام محەمەد (درودی خوای لێبێت)
بەناوی خوای گەورە و میھرەبان
"وما أرسلناكَ إلا رحمةً للعالمين
له یادی لەدایکبوونی پێغەمبەری ئیسلامدا موحەممەد "د.خ"، گەرمترین پیرۆزبایی لە موسڵمانانی كوردستان و عیراق و جیهان دەكەم.
هیوادارم هەموو لایەک پێكه‌وه به كرده‌وه لێبورده‌یی بچه‌سپێنین ، ئاكاره به‌رزه‌كانی ئه‌م زاته بۆ پێكه‌وه ژیان، بكه‌ین به رێنیشانده‌ر و، لەپێناو رەخساندنی زەمینەیه‌كی لەبارتر بۆ ژیانێکی باشتر بۆ هەموولایەکمان، له‌م یاده‌دا، وانه‌ی لێ وه‌ربگرین و به‌هاكانی ئاشتیی كۆمه‌ڵایه‌تی و یه‌كتر قبووڵكردن له‌ناو گه‌له‌كه‌مان، قووڵبكه‌ینه‌وه.
جارێكی تر ئه‌م یاده له سه‌رجه‌م موسڵمانان پیرۆز دەکەم
لەخوای گەورە داواکارین لەم یادە پیرۆزەدا، میھرەبانی خۆی بڕژێنێت بە سەر تەواوی مرۆڤایەتی و سلێمانی بەتایبەت وهەموو لایەک لە نەخۆشی و نەھامەتیەکان بە دوور بکات .
نەهرۆ عەبدوڵڵا عەلی
بەڕێوەبەری گشتی چاودێری و گەشەپێدانی کۆمەڵایەتی سلێمانی ، بەوەکالەت
١٧ـی ئۆکتۆبەری ٢٠٢١
|