ئەمڕۆ یەکشەممە، ١٦ی٩ی ٢٠٢١، لە هۆڵی بۆنەکانی سەنتەری ئۆتیزم بە ئامادەبوونى بەڕێزان،مافناس ،هیوا ڕەحمان, بە نوێنەرایەتی بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، خاتوو نوخشە ڕەسول ،بەڕێوەبەری کارگێڕی ،لەتیف عەزیز ،بەڕێوەبەری چاودێری کەمئەندامان ، بەڕێوەبەرانی پەیمانگای ( هانا و ئاوات و ڕوناکی و سەنتەری ئۆتیزم) و ژمارەیەک لە بەرپرسان و کارمەندانی بەڕێوەبەرایەتی چاودێری کەمئەندامانی سلێمانی ، مەڕاسیمێکى تایبەت بە ماڵئاوایى بەڕێز ،خاتوو ئاشتی نوری عەبدوڵڵا، بەڕێوەبەرى پێشوی بەڕێوەبەرایەتی چاودێرى کەمئەندامانی سلێمانی بەرێوەچوو.
لەو مەڕاسیمەدا بەڕێز مافناس،هیوا ڕەحمان ، وتەیەکى پێشکەش کردو باسی ڕۆڵی خاتوو ئاشتی ئیبرهیم كرد لە ماوەی كاركردنی وەك بەڕێوەبەری چاودێری کەمئەندامان و دەست خۆشی و سوپاس و پێزانینی بەڕێز بەڕێوەبەری گشتی گەیاند و هیوای لەش ساغی و تەمەن درێژی بۆ خواست ، وە هەروەها پیرۆزبایی بەڕێز بەڕێوەبەری گشتی گەیاندە بەڕێوەبەری نوێ و هیوای سەرکەوتنی لە کارەکانی بۆ خواست.
پاشان خاتوو ئاشتی نوری عەبدوڵڵا لە وتەیەکدا، سوپاس و پێزانى خۆى ئاراستەى بەڕێوەبەرو سەرجەم کارمەندانى سنورى کارى بەڕێوەبەرایەتى گشتى کرد کە یارمەتی دەر بوون لە کاروانی کاری کۆمەڵایەتیدا، هەروەها هیوای سەركەوتنی بۆ بەڕێوەبەری گشتی نوێ خواست و پیرۆزبایی لە بەڕێزیشیان كرد.

هەر لە مەڕاسیمەکەدا بەڕێز لەتیف شێخ عەزیز بەڕێوەبەری نوێی چاودێری کەمئەندامانی سلێمانی وتارێكی پێشکەشکردو لە وتەکەیدا ستایشى کارو ڕۆڵ و سەرکەوتنەکانى خاتوو ئاشتی نوری بەڕێوەبەری پێشوو کردوو ،ڕایگەیاند بە هەوڵ و هاوکاری هەموو هۆبەو پەیمانگاو سەنتەرەکانی دامەزراوەی کۆمەڵایەتیمان، بەردەوام دەبێت لە کارکردن بۆ کەمئەندامان و چینی هەژارو خاوەن پێداویستی تایبەت و خزمەت کردن بەو توێژانەی کە دامەزراوەی کۆمەڵایەتیمان دەیان گرێتەوە، هیوای تەمەن درێژی و لەش ساغیشی بۆ بەڕێوەبەری پێشوو خواست.

بۆ بینینی وێنەکان سەردانی ئەم لینکەی خوارەوە بکەن.