لە مەراسیمێکی شایستەدا بڕوانامە بەخشرایە پەرستارانی دایەنگە ناحکومیەکان
ئەمڕۆ شه‌ممه، ٤ی ٩ی٢٠٢١، به ئاماده‌بوونی مافناس هیوا ڕەحمان، نوێنەری بەڕێز به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی ، خاتوو ،درەخشان محمد .بەڕێوەبەری دایەنگەی گەشەی ناحکومی، كۆتایی به ڕاهێنانێك هێنا كه بۆ پەرستارانی دایەنگە ناحکومیەکان كرابوویه‌وه، تیایدا بڕوانامە بە بەژداربوان بەخشرا.
له‌و مه‌راسیمه‌دا بەڕێز،مافناس، هیوا ڕەحمان، وتەیەکی پێشكه‌شكردو له وته‌كه‌یدا وێڕای پیرۆزبایی لە پەرستارانی بەژداربوو لە خولەکە، سوپاسی خاتوو درەخشان و ئه‌و به‌ڕێزانه‌ی کرد کە به‌شداربوون له سه‌رخستنی كاره‌كانی ڕاهێنانه‌كه، ئاماژه‌ی به ستراتیجی كاری به‌ڕێوه‌به‌رایه‌تی گشتی كرد له مامه‌ڵه‌كردن له‌گه‌ڵ خول‌و ڕاهێنانه‌كانداو جه‌ختی كره‌وه له‌وه‌ی به‌ڕێوه‌به‌رایه‌تی گشتی ده‌یه‌وێت بایه‌خ به توانای پەرستاران و ستافی دایەنگە ناحوکمیەکان بدات و خاوه‌ن به‌رنامه‌و په‌یڕه‌وی پێشكه‌وتووی كاركردن بێ.
پاشان خاتوو ، درەخشان لە وتەیەکداجەختی لەسەر گرنگی کردنەوەی ئەم جۆرە خولانە کردەوە ڕایگەیاند کە هاوکاری وەزارەتی کارو کاروباری کۆمەڵایەتی دەبن.
ڕاهێنانه‌كه له ماوه‌ی سێ ڕۆژدا له هۆڵی تایتەنیک به‌ڕێوه‌چوو کە دایەنگەی گەشە بە هەماهەنگی بەڕێوەبەرایەتی گشتی بەڕێوەیان ئەبرد
له ڕێگه‌ی ئه‌و ڕاهێنانه‌وه کارمەندانی به‌شداربوو توانای پێویستیان وه‌رگرت بۆ باشتر خزمه‌تكردن بە منداڵانی دایەنگەکان.
|