په‌له به‌كه‌ن له پڕكردنه‌وه‌ی فۆرم
ئاگادارییه‌ك بۆ هاووڵاتیانی خاوه‌ن پێداویستی تایبه‌ت
به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به پێویستی ده‌زانێت ئاگاداری هاووڵاتیانی خاوه‌ن پێداویستی تایبه‌ت بكات په‌له بكه‌ن له پڕكردنه‌وه‌ی فۆرم تا بچنه نۆره‌ی پشكنینه پزیشكییه‌كان .
له دوا كۆبوونه‌وه‌ی خۆیدا، لیژنه‌ی باڵای سه‌رله‌نوێ تۆماركردنه‌وه‌و پشكنینه‌وه‌ی پزیشكی هاووڵاتیانی خاوه‌ن پێداویستی تایبه‌ت له سنوری به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، پرۆسه‌كه به‌باشی هه‌ڵسه‌نگێنراو به‌هۆی كه‌مبوونه‌وه‌ی قه‌ره‌باڵغی لیژنه‌كانیشه‌وه به پێویست زانرا داوا له هاووڵاتیانی خاوه‌ن پێداویستی تایبه‌ت بكرێ په‌له بكه‌ن له پڕكردنه‌وه‌ی فۆرم، چونكه له‌سه‌ر بنه‌مای پڕكردنه‌وه‌ی فۆرم نۆبه‌ی پشكنینی پزیشكی داده‌نرێت‌و هه‌ركه‌سێك دره‌نگتر بچێت بۆ پڕكردنه‌وه‌ی فۆرم دواتریش زیاتر دوا ده‌كه‌وێت له واده‌ی پشكنینی پزیشكی، هه‌ربۆیه به پێویست زانرا هاووڵاتیانی خاوه‌ن پێداویستی تایبه‌ت ئاگاداربكرێنه‌وه كه ئێسته قه‌ره‌باڵغی له‌سه‌ر لیژنه‌كان نه‌ماوه‌و هاووڵاتیان ده‌توانن به ئاسانی فۆرمه‌كان له فه‌رمانگه‌كانی چاودێریی كۆمه‌ڵایه‌تی پڕبكه‌نه‌وه.
سه‌باره‌ت به‌‌و هاووڵاتیانه‌ش كه كارمه‌ندی حكومه‌تن‌و مووچه‌یه‌كی تریان هه‌یه‌‌و هاوكارییه‌كانیان له‌جۆری (100) هه‌زار دینارین، ئه‌وه له ڕۆژی پێنجشه‌ممه، 1ی9ی 2016 ه‌وه ڕۆژانه سه‌ردان بكه‌ن بۆ پڕكردنه‌وه‌ی فۆرم.
ئەم ئاگادارییە، هەموو خاوەن پیچداویستییەکی تایبەت لە سنوری " پارێزگای سلێمانی، پارێزگای هەڵه‌جه‌ی شه‌هید، ئیداره‌ی ڕاپه‌ڕین، ده‌ربه‌ندیخان، پێنجوێن‌و شاره‌زوور، چه‌مچه‌ماڵ " ده‌گرێته‌وه .
ڕاگه‌یاندنی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌لایه‌تی له پارێزگای سلێمانی
22ی8ی2016
|