سلێمانی ، لیژنه‌ی باڵای پرۆسه‌ی دووباره پشكنینه‌وه‌ی كه‌مئه‌ندامان كۆ ده‌بێته‌وه.
سلێمانی ، لیژنه‌ی باڵای پرۆسه‌ی دووباره پشكنینه‌وه‌ی كه‌مئه‌ندامان كۆ ده‌بێته‌وه.
یه‌كشه‌مه، 21 ی 8 ی 2016 كۆبوونه‌وه‌ی لیژنه‌ی باڵای پرۆسه‌ی دووباره پشنینه‌وه‌ی كه‌مئه‌ندامان له دیوانی به‌رێوه‌به‌رایه‌تی گشتی به‌سه‌رپه‌رشتی خاتوو، ئاشتی ابراهیم، جێگری به‌رێوه‌به‌ری گشتی بۆ كاروباری كارگێری و به ئاماده‌بوونی به‌رێوه‌به‌ری هه‌ریه‌ك له به‌رێوه‌به‌رایه‌تیه‌كانی تۆری پاراستنی كۆمه‌ڵایه‌تی سلێمانی و به‌رێوه‌به‌ری چاودێری و گه‌شه‌پێدانی كۆمه‌ڵایه‌تی (بیتوین رانیه، شاره‌زوور، ده‌ربه‌ندیخان،چه‌مچه‌ماڵ) و نوێنه‌ری رێكخراوه‌كانی كه‌مئه‌ندامان و به‌رپرسی به‌شی پلان و هۆبه‌ی به‌دواداچوون له دیوانی به‌رێوه‌به‌رایه‌تی گشتی به‌رێوه‌چوو.
كۆبونه‌وه‌كه تایبه‌ت بوو به هه‌ڵسه‌نگاندنی كاری لیژنه‌كانی پڕكردنه‌وه‌ی فۆرم و لیژنه پزیشكیه‌كان و له شارو شاروچكه‌كان و كێشه‌و گرفته‌كان به‌رده‌م پرۆسه‌كه.
به‌شێوه‌یه‌گی گشتی له لایه‌ن ئاماده‌بووانه‌وه به‌رێوه‌چوونی پرۆسه هه‌ڵسه‌نگاندنی باشی بۆ كرا.
له كۆتایی كۆبونه‌وه‌كه‌شدا، ئاشتی ابراهیم، سه‌ر په‌رشتیاری لیژنه‌ی باڵای پێداچوونه‌وه‌ی لیستی هاوڵاتیانی خاوه‌ن پێداویستی تایبه‌ت له ئامارێكیدا ئه‌وه‌ی خسته‌ڕوو كه تا به‌رواری (18ی 8ی 2016) (18) هه‌زارو (546) فۆرم پركراوه‌ته‌وه‌و له‌و ژماره‌یه‌ش (980) كه‌مئه‌ندام فۆرمیان به ئه‌نجامه‌كانی پشكنینی پزیشكیه‌وه گه‌رێنراونه‌ته‌وه له به‌رێوه‌به‌رایه‌تی چاودێری و گه‌شه‌پێدانی كۆمه‌ڵایه‌تی بیتوین رانیه (5) هه‌زارو (801) فۆرم و له ده‌ربه‌ندیخان (1) هه‌زارو (102) فۆرم و له شاره‌زوور(7) هه‌زارو (259) فۆرم و له چه‌مچه‌ماڵ (4) هه‌زارو (295) فۆرم پركراونه‌ته‌وه.
راگه‌یاندنی به‌رێوه‌به‌رایه‌تی گشتی چاودێری و گه‌شه‌پێدانی كۆمه‌ڵایه‌تی سلێمانی.
|