+ وێنه، سلێمانی: دووه‌مین ساڵیادی جینۆسایدی هاووڵاتیانی ئێزیدی به‌ڕێوه‌چوو
ئه‌مڕۆ دووه‌مین ساڵیادی جینۆسایدو كاره‌ساتی هاووڵاتیانی ئێزیدی بوو، دوو ساڵ پێش ئێستا له‌سه‌ر ده‌ستی گروپی تاوانكارو تیرۆریستی داعش، هاووڵاتیانی كوردی ئێزیدی ڕووبه‌ڕووی كاره‌ساتێكی گه‌وره‌ی مرۆیی بوونه‌وه، له‌و جینۆسایده به هه‌زاران هاووڵاتی ئێزیدی كوژران‌و كران كۆیله‌و ئاواره بوون .
به‌وبۆنه خه‌مناكه‌و ئه‌مڕۆ له شارو شارۆچكه‌كه‌كانی هه‌رێمی كوردستان ژماره‌یه‌كی زۆر مه‌راسیم‌و چالاكی هونه‌ی‌‌و جه‌ماوه‌ری جۆراوجۆر بۆ هاوخه‌می ئه‌نجامدران.
له شاری سلێمانیش ده‌سته‌ی پشتگیریی له ژنانی شه‌نگال، به ئاماده‌بوونی به‌رپرسانی حزبی‌‌و حكومی‌‌و ژماره‌یه‌ك له ئه‌ندامانی په‌رله‌مان، گردبوونه‌وه‌یه‌كی هاوسۆزیی‌و پشتیوانیان بۆ ژنانی ئێزیدی له باخی گشتی ئه‌نجامدا .
لە 3-8-2014 قەزای شنگال لەلایەن تیرۆریستانی چەكدارانی داعشەوە دەستی بەسەردا گیرا و، نزیکەی دوو هەزار کوردی ئێزدیان کوشتن، پاشان لە 13-11-2015 لەلایەن هێزەی پێشمەرگەی كوردستانەوە شنگال كۆنترۆڵكرایەوە.
|