كه‌مئه‌ندامییه‌كه‌ی نه‌وه‌ك لاوازی نه‌كردبوو، به‌ڵكو داهێنانی گه‌وره‌ی كرد
حوسێن کۆکەن، کە بە کونکردنی شاخێک لە نزیک شاری پاوەی رۆژهەڵاتی كوردستان نێوبانگی دەرکردووە، رۆژی سێشەممە 26-7-2016 لە تەمەنی 86 ساڵیدا بەهۆی نەخۆشییەوە کۆچی دوایی کرد.
حسێن عوسمانی, ناسراو به حسێن كۆكه‌ن، كه ماڵێكی له‌چیای مه‌یگۆڕێ له‌نزیك شاری پاوه‌ی خۆرهه‌ڵاتی كوردستان دروست كردبوو، دوای ئه‌وه‌ی له مانگی تشرینی دووه‌می ساڵی رابردوو به‌هۆی پیربوون و كه‌وتنیه‌وه، تووشی شكانی ئێسكی حه‌وزی بوو و دواتریش بۆ ماوه‌یه‌كی زۆر له‌دوای چه‌ند نه‌شته‌رگه‌رییه‌ك له جێگادا مایه‌وه، ، له ته‌مه‌نی 86 ساڵیدا له خۆرهه‌ڵاتی كوردستان كۆچی دوایی كرد.
حسێن كۆكه‌ن، له‌دایك بووی ساڵی 1930 ی شاری پاوه‌ی خۆرهه‌ڵاتی كوردستانه‌و به فه‌رهادی دووه‌م ناوبانگی ده‌ركردوه, له سه‌رده‌می شه‌ڕی عێراق و ئێراندا ماڵه‌كه‌ی به هۆی شه‌ڕه‌وه وێران بووه‌و قاچێكی له‌ده‌ستداوه.
له‌دوای له‌ده‌ستدانی هاوسه‌ره‌كه‌یی و سێ كوڕی له چه‌ند رووداوێكی جیاوازدا، رووی له چیای مه‌یگۆڕێ له نزیك شاری پاوه كردوه‌و به كونكردنی شاخه‌كه، ماڵێكی له شێوه‌ی شوێنه‌وارێكدا، هاوشێوه‌ی شوێنه‌واری فه‌رهادی بێستون دروستكرد.
ئەو لە دڵی شاخێکی نزیک شارۆچکەی باینگانی سەر بە شاری پاوە خانووێکی دروست کرد، کە چەندین ژوور و حەمام لەخۆدەگرێ و تەنانەت گۆڕی خۆشی هەر لەوێ هەڵکەندبوو، به‌و كاره‌شی داهێنانێكی گه‌وره‌ی كردوو سه‌لماندی كاتێك مرۆڤ ئیراده‌ی بخاته كار، نه كه‌مئه‌ندامی‌‌و نه هیچ شتێكی به‌ر به داهێنان‌و تواناكانی ناگرێت .
وێنه‌و زانیارییه‌كا له هه‌ردوو سایتی (كه‌ی ئیێن ئێن‌و ڕووداو) وه‌رگیراون.
|