ئه‌نجامی تاقیكردنه‌وه‌كان هه‌ڵده‌سه‌نگێنرێت
به‌بۆنه‌ی كۆتایهاتنی خولی یه‌كه‌می تاقیكردنه‌وه نیشتیمانییه‌كانی پۆلی نۆیه‌می بنه‌ڕه‌تی، له دیوانی به‌ڕێوه‌به‌رایه‌تی گشتی چاودێرێیی‌‌و گه‌شه‌پێدانی كۆمه‌ڵایه‌تی كۆبوونه‌وه‌یه‌ك به‌ڕێوه‌چوو .
ڕۆژی دووشه‌ممه، 18ی ته‌موزی 2016، به ئاماده‌بوونی عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و مه‌نصور موحه‌ممه‌د، ڕاوێژكار له وه‌زاره‌تی كارو، ئاشتی نوری، به‌ڕێوه‌به‌ری چاودێری كه‌مئه‌ندامانی سلێمانی‌‌و موحه‌ممه‌د سه‌ید قادر، سه‌رپه‌رشتیاری په‌روه‌رده‌یی‌‌و جه‌میل حه‌مه‌ڕه‌شید، به‌ڕێوه‌به‌ری په‌یمانگای هیوای نابیستان، كۆبوونه‌وه‌یه‌كی تایبه‌ت له دیوانی به‌ڕێوه‌به‌رایه‌تی گشتی به‌ڕێوه‌چوو.
له‌و كۆبوونه‌وه‌یه‌دا تاوتوێی ئه‌نجامی تاقیكردنه‌وه‌كان كرا‌و توانا‌و هه‌وڵ‌و ماندووبوونی قوتابیان‌و مامۆستایانی په‌یمانگای هیوا به‌رزنرخێنرا، هه‌روه‌ك به‌ڕێوه‌به‌ری گشتی سه‌رپه‌رشتیاری په‌روه‌رده‌یی‌‌و به‌ڕێوه‌به‌ری په‌یمانگای ڕاسپرد بۆ هه‌ماهه‌نگی باشتر له‌گه‌ڵ به‌ڕێوه‌به‌رایه‌تی گشتی په‌روه‌رده‌ی سلێمانی تا پرۆسه‌ی تاقیكردنه‌وه‌كان له خولی دووه‌مدا باشتر به‌ڕێوه‌بچن.
هه‌ه‌ر له‌و كۆبوونه‌وه‌یه‌دا هه‌موو گفتوگۆیان كرد له‌سه‌ر ئه‌و ئه‌ركانه‌ی ده‌كه‌ونه سه‌ر دامه‌زراوه كۆمه‌ڵایه‌تییه‌كان له كاتی جێبه‌جێكردنی ڕێككه‌وتن‌و پرۆتۆكۆلی هاوبه‌شی نێوان وه‌زاره‌تی په‌روه‌رده‌و وه‌زاره‌تی كار بۆ ورگرتنی ده‌رچووانی په‌یمانگای هیوای نابستان له قۆناغی ئاماده‌ییه پیشه‌ییه‌كان‌و به‌رپرسان ڕاسپێردران بۆ ئه‌و مه‌به‌سته پێویسته هه‌مووكارئاسانییه‌ك بكرێت تا قوتابیانی نابیست له‌و هه‌لی خوێندنه ئه‌مساڵ به‌شداربن .
|