وه‌زیری كارو كارو باری كۆمه‌لایه‌تی داواكارییه‌كان جێ به‌جێ ده‌كات
رۆژی دووشه‌ممه18ی ته‌موزی 2016، د.موحه‌ممه‌د هاودیانی، وه‌زیری كارو كاروباری كۆمه‌ڵایه‌تی له‌دیوانی وه‌زاره‌ت له‌گه‌ل نوێنه‌ری سه‌رجه‌م رێكخراوه‌كانی خاوه‌ن پێداویستی تایبه‌ت كۆبویه‌وه.
له كۆبونه‌وه‌كه‌دا ڕێكخراوه‌كان یاداشتێكی 15 خاڵیان ئاراسته‌ی وه‌زیر كرد كه په‌یوه‌ندییان به مووچه‌و شێوازی دانه‌وه به لیژنه‌و ئاسانكاری‌‌و ئیمتیازاتی كه‌مئه‌ندامان بوو، له كۆبوونه‌وه‌یه‌كی ڕاسته‌وخۆداو پاش گفتوگۆیه‌كی چڕوپڕ داواكاری‌و پێشنیاره‌كان خرانه بواری جێ به‌جێ كردنه‌وه، هه‌روه‌ك بریاردرا له لیژنه‌ی باڵای دیوانی وه‌زاره‌ت ڕێكخراوه‌كانی كه‌مئه‌ندامان سێ نوێنه‌ریان هه‌بێت له (هه‌ولێر و سلێمانی و دهۆك ) بۆ ئه‌وه‌ی له‌ته‌واوی ورده‌كاری لێژنه‌كان‌و چۆنییه‌تی به‌ڕێوه‌چوونی پڕۆسه‌كه ئاگادربن، له كۆتاییشدا كۆنگره‌یه‌كی ڕۆژنامه‌نووسی بۆ ڕێكخراوه‌كانی كه‌مئه‌ندامان‌و وه‌زیری كارو كاروباری كۆمه‌ڵایه‌تی به‌رێوه‌چوو و ده‌رئه‌نجامی كۆبوونه‌وه‌كه خرایه ڕوو، هه‌ر له‌و كۆنگره ڕۆژنامه‌نووسییه‌دا ڕێكخراوه‌كان سوپاسی وه‌زیری كاریان كرد كه وه‌ڵامی داواكارییه‌كانی داونه‌ته‌وه‌و به‌ڵێنی هاوكاریو پشتیوانی پێداون .
|