ڕوونكردنه‌وه‌یه‌ك سه‌باره‌ت به سه‌رله‌نوێ پشكنینه‌وه‌ی هاووڵاتیانی خاوه‌ن پێداویستی تایبه‌ت
.JPG)
هاووڵاتیانی به‌ڕێزی خاوه‌ن پێداویستی تایبه‌ت (كه‌مئه‌ندامان) له سنوری هه‌ردوو پارێزگای سلێمانی‌‌و هه‌ڵه‌بجه‌ی شه‌هید‌و ئیداره‌ی ڕاپه‌ڕین ئاگادارده‌كه‌ینه‌وه به‌مه‌به‌ستی سه‌رله‌نوێ چوونه‌وه به‌رده‌م لیژنه‌كانی پزیشكی ئه‌زیه‌ت نه‌كێشن‌و سه‌ردانی به‌ڕێوه‌به‌رایه‌تییه‌كانی چاودێریی كۆمه‌ڵایه‌تی شاره‌كانیان نه‌كه‌ن تا ئه‌و كاته‌ی خۆمان په‌یوه‌ندییان پێوه ده‌كه‌ین‌و ڕوونكردنه‌وه‌ی پێویست له ده‌زگاكانی ڕاگه‌یاندنه‌وه سه‌باره‌ت به پێویستییه‌كان‌و ڕۆژو كات‌و شوێنی لیژنه‌كان بڵاوده‌كه‌ینه‌وه‌و ته‌واوی پرۆسه‌كه ده‌خه‌ینه‌ڕوو.
بۆ ئه‌و مه‌به‌سته‌ش به‌ڕێوه‌به‌رایه‌تی گشتیمان له هه‌ماهه‌نگی ته‌واودایه له‌گه‌ڵ به‌ڕێوبه‌رایه‌تی گشتی ته‌ندروستی‌‌و ڕێكخراوه‌كانی خاوه‌ن پێداویستی تایبه‌ت تا گونجاوترین ڕێگا بگرینه‌به‌ر به‌جۆرێك ئێوه‌ی به‌رێز ڕووبه‌ڕووی كه‌مترین زه‌حمه‌ت ببنه‌وه‌و قه‌ره‌باڵغی له‌سه‌ر لیژنه‌كان دروست نه‌بێت .
ڕاگه‌یاندنی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی
19ی 7ی 2016
|