وانه‌یه‌كی ڕاهێنانی كرداریی بۆ كارمه‌ندانی خانه‌ی به‌ساڵاچووان وترایه‌وه
ڕۆژی پێنجشه‌ممه، 17ی كانونی یه‌كه‌م، به ئاماده‌بوونی عومه‌رگوڵپی به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی‌‌و سه‌رنج حه‌مه‌سه‌عید به‌ڕێوه‌به‌ری چاودێریی كۆمه‌ڵایه‌تی سلێمانی‌‌و به‌ناز كه‌ریم به‌ڕێوه‌به‌ری خانه‌ی به‌ساڵاچووان‌و كارمه‌ندانی خانه، وانه‌یه‌كی كرداریی له‌لایه‌ن خاتوو سازان، ژنه كوردی دانیشتوووی وڵاتی سوید وترایه‌وه .
له‌و وانه‌یه‌دا كه سه‌عات‌و نیوێكی خایاند، خاتوو سازان كه 12 ساڵ ئه‌زموونی كرداریی هه‌یه له وڵاتی سوید له‌و بواره‌دا، تیشكی خسته سه‌ر گرنگی‌‌و بایه‌خی كاركردن له خانه‌كانی به‌ساڵاچووان‌و چۆنییه‌تی خزمه‌تكردنی به‌ساڵاچووان‌و په‌ككه‌وته‌كان، هه‌روه‌ك به‌شێوه‌یه‌كی كرداریی باسی ئه‌و ڕێگایانه‌ی كرد كه به‌هۆیه‌وه ده‌توانرێت به‌باشترین شێوه خزمه‌تی به‌ساڵاچووانی په‌ككه‌وته بكرێت به‌جۆرێك له‌گه‌ڵ ستاندارده ته‌ندروستییه‌كان‌و مافه‌كانی مرۆڤدا بگونجێن .
له كۆتایی وانه‌كه‌دا، عومه‌ر گوڵپی، ده‌ستخۆشی له خاتوو سازان كرد بۆ وانه‌كه‌ی‌‌و دڵسۆزییه‌كه‌ی بۆ خانه‌ی به‌ساڵاچووان‌و هیوای خواست له داهاتوودا باشتر بتوانێت ئه‌زموونی خۆی بۆ كارمه‌ندان بگوازێته‌وه‌و خزمه‌تی ئه‌م بواره گرنگه بكات له كوردستان، هه‌روه‌ك هیوای خواست به‌ڕێوه‌به‌رو كارمه‌ندان توانیبێتیان سود له وانه‌كه وه‌ربگرن‌و له كاری ڕۆژانه‌یاندا له خانه‌و خزمه‌تكردنی به‌ساڵاچوواندا ڕه‌نگدانه‌وه‌ی هه‌بێت .
.
.
|