سلێمانی، خولێك بۆ توێژه‌رانی ده‌روونی و كۆمه‌ڵایه‌تی ده‌كرێته‌وه.
سلێمانی، خولێك بۆ توێژه‌رانی ده‌روونی و كۆمه‌ڵایه‌تی ده‌كرێته‌وه.
له چوارچێوه‌ی هه‌ماهه‌نگییه‌كانی به‌رێوه‌به‌رایه‌تی گشتی چاودێری و گه‌شه‌پێدانی كۆمه‌ڵایه‌تی سلێمانی له‌گه‌ڵ رێكخراوه‌كانی چالاك له بواری ژنان ئه‌مرۆ، دووشه‌مه، 13ی 6 ی 2016 له هۆڵی بۆنه‌كانی به‌رێوه‌به‌رایه‌تی گشتی چاودێری و گه‌شه‌پێدانی كۆمه‌لاَیه‌تی به ئاماده‌بوونی عمر عبدالله گوڵپی، به‌رێوه‌به‌ری گشتی چاودێری و گه‌شه‌پێدانی كۆمه‌ڵایه‌تی سلێمانی خولێكی سێ رۆژه له ژێر ناو نیشانی "توندوتیژی له‌سه‌ر بنه‌مایی جێنده‌ر" بۆ (20) بۆ ستافی شێڵته‌ری داڵده‌دانی ژنانی هه‌ره‌شه‌لێكراو توێژه‌رانی ده‌روونی و كۆمه‌لاَیه‌تی به‌رێوه‌به‌رایه‌تی گشتی له‌لایه‌ن رێكخراوی (CDO) به هاوكاری رێكخراوی (UNFPA) كرایه‌وه.
وانه‌ی خووله‌كه، له لایه‌ن راهێنه‌ر ره‌وا ، پارێزه‌ر ده‌وترێته‌وه‌و بابه‌تی خووله‌كه‌ش بریتی بوو له به‌رێوه‌به‌ردنی كه‌یس و چۆنیه‌تی مامه‌ڵه‌كردن و پێشوازیكردن له‌كه‌یس و ئاراسته‌كردنی بۆ لایه‌نی په‌یوه‌ندارو دروستكردنی په‌یوه‌ندی و متمانه له نێوان به‌رێوه‌ری كه‌یس و كه‌یسه‌كه‌دا تا كاتی چاره‌سه‌ره‌كردنی كێشه‌كه‌ی.
عمر عبدلله گوڵپی، به‌رێوه‌به‌ری گشی چاودێری و گه‌شه‌پێدانی كۆمه‌ڵایه‌تی له میانی خووله‌كه‌دا ووته‌یه‌كی پێشكه‌شكردو تێدا سوپاسی هه‌ردوو رێكحراوی كرد بۆ كردنه‌وه‌ی خووله‌و خۆشحاله خۆشی ده‌ربری به به‌شداری توێژه‌رانی ده‌روونی و كۆمه‌ڵایه‌تی به‌رێوه‌به‌رایه‌تی گشتی و تیشكی خسته سه‌ر كێشه‌كانی ژنان و رۆڵی دامه‌زراوه كۆمه‌ڵایه‌تیه‌كان له كه‌مكردنه‌وه‌و چاره‌سه‌ركردنی كێشه‌ی ژنان و ئه‌و حاڵه‌تانه‌ی رووده‌كه‌نه شلێته‌ری داڵدانی ژنان و هاوكات هیوای خواست ژنانی رێكخراو دامه‌زراوه كۆمه‌لاَتیه‌كان هه‌وڵی زیاتر بده‌ن بۆ پاراستن و پێشێل نه‌كردنی مافه‌كانی ژنان.
بڕیاره له كۆتایی خووله‌كه‌شدا، بڕوانامه بدرێته به‌شداربووه‌كانی خوله‌كه‌و كردنه‌وه‌ی خولی له‌و جۆره‌ش به‌رده‌وامی هه‌بێت.
راگه‌یاندنی به‌رێوه‌به‌رایه‌تی گشتی چاودێری و گه‌شه‌پێدانی كۆمه‌ڵایه‌تی سلێمانی.