رۆژی ئاڵای كوردستان به‌رز ڕاگیرا
رۆژی ئاڵای كوردستان به‌رز ڕاگیرا
سه‌رله‌به‌یانی ئه‌مڕۆ پێنجشه‌ممه، 17ی كانونی یه‌كه‌م، به ئاماده‌بوونی عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به‌بۆنه‌ی ڕۆژ ئاڵای كوردستانه‌وه هاوشێوه‌ی دامه‌زراوه جیاجیا فه‌رمی‌‌و نافه‌مییه‌كان‌و هاووڵاتیان، ڕۆژی ئاڵای كوردستان له په‌یمانگای ڕووناكی به‌رز ڕاگیرا.
له‌و بۆنه تایبه‌ته‌دا كه له‌لایه‌ن قوتابیان‌و مامۆستایان‌و به‌ڕێوه‌به‌رو ستافی به‌ڕێوه‌بردنی په‌یمانگاوه ڕێكخرابوو، به‌ڕێوه‌به‌ری گشتی وته‌یه‌كی پێشكه‌شكردو له وته‌كه‌یدا تیشكی خسته سه‌ر گرنگی‌‌و بایه‌خی ئاڵا وه‌ك ڕه‌مزو نیشانه‌یه‌ك بۆ گه‌ل‌و نه‌ته‌وه‌یه‌ك، هه‌روه‌ك هیوای خواست له داهاتوودا ببینین ئاڵای كوردستان له نێو ڕێوڕه‌سمه نێوده‌وڵه‌تییه‌كاندا هه‌ڵبكرێت‌و گه‌لی كوردستان وه‌ك ده‌وڵه‌ت بناسێنرێت، ئه‌وه‌ش به به‌رهه‌می خوێنی شه‌هیدان‌و ئازایه‌تی پێشمه‌رگه‌و هه‌وڵ‌و هیممه‌ت‌و تێكۆشانی هه‌موو مناڵانی كوردستان‌و گه‌نجانی كورد .
له درێژه‌ی چالاكییه‌كه‌دا ژماره‌یه‌ك گۆرانی‌‌و سرودی نیشتیمانی له‌لایه‌ن قوتابیانه‌وه به‌هاوكاری مامۆستای موزیكی په‌یمانگا پێشكه‌شكران‌و بۆنه‌كه ڕازاوه‌تر كرا .
|