بۆنه‌یه‌كی تایبه‌ت به كۆتایی ساڵی خوێندن له په‌یمانگای ڕووناكی بۆ نابینایان به‌ڕێوه‌چوو
ساڵانه له په‌یمانگه كه‌مئه‌ندامیه‌كانی سه‌ر به وه‌زاره‌تی كارو كاروكۆمه‌ڵایه‌تیه‌وه ژماره‌یه‌ك خوێندكاری كه‌مئه‌ندام و خاوه‌ن پێداویستی تایبه‌ت بڕوانامه‌یان پێده‌ردێت.
له‌و چوارچێوه‌یه‌شدا، ئه‌مرۆ،سێ شه‌مه 24 ی ئاياری 2016 په‌یمانگه‌ی ڕووناكی بۆ نابینایان له شاری سلێمانی له مه‌راسیمێكی تایبه‌تدا به ئاماده‌بوونی عمر عبدالله گوڵپی، به‌رێوه‌به‌ری گشتی چاودێری و گه‌شه پێدانی كۆمه‌ڵایه‌تی سلێمانی و خاتوو، ئاشتی نوری ، به‌رێوه‌به‌ری چاودێری كه‌مئه‌ندامانی سلێمانی ئه‌نجامی خوێندنی ئه‌مساڵی به‌خشیه خوێندكاره‌كانی.
له‌سه‌ره‌تایی مه‌راسیمه‌كه‌دا، عمر عبدالله گوڵپی، به‌رێوه‌به‌ری گشتی چاودێری و گه‌شه‌پێدانی كۆمه‌ڵایه‌تی ووته‌یه‌كی پێشكه‌شكردوو تێدا پیرۆزیایی له خوێندكارانكرد بۆ برینی قۆناغێكی نوێی خوێندن و هیوای خواست به‌رده‌وامی بده‌ن به پرۆسه‌ی خوێندنه‌كه‌یان و هاوكات سوپاسی به‌رێوه‌به‌رو مامۆستا و توێژه‌رو چاودێره‌كانی كردو رۆڵ و دڵسۆزی و ماندوونه‌بونیانی به‌رزنرخاند له په‌روه‌رده‌كردنی خوێندكارانی نابیناو پێگه‌یاندنیان وه‌ك هه‌ر خوێندكارێكی ئاسایی.
دواتر، بڕوانامه‌نامه‌ی ده‌رچوون و دیاری به‌خشرایه خوێندكاره‌كان كه‌جێی خۆشحاڵییه سه‌رجه‌م خوێندكاره‌كانی په‌یمانگه‌ی رووناكی بۆ ئه‌مساڵی خوێند سه‌ركه‌وتوو بوون پێیان ناوه‌ته قۆناغێكی نوێی خوێندن هه‌ر له‌و مه‌راسیمه‌دا هه‌ر یه‌ك له مامۆستا، شه‌وبۆمحمد و مامۆستا، عوسمان عبدالكريم وه‌ك دوو مامۆستایی دێرین و ماندوویی په‌یمانگه خه‌ڵاتكران پاشان به گرتنی وێنه‌ی یادگاری خوێندكاران و مامۆستایان كۆتایی به مه‌راسیمه‌كه هات.
په‌یمانگه‌ی ڕووناكی بۆ نابینابینایان، په‌یمانگه‌یه‌كی تایبه‌ته به فێركردن و په‌روه‌رده‌كرنی خوێندكارانی نابینا له سنوری پارێزگای سلێمانی كه شێوازی خوێندن له‌م په‌یمانگه‌یه‌دا به شێوه‌ی نوسینی برایله‌و له قۆناغی یه‌كه‌م تا نۆیه‌می بنه‌ڕه‌تی تێدایه‌و ساڵانه ژماره‌یه‌ك خوێندكار بروانامه‌یان پێده‌رێت و دواتر ده‌توانن درێژه به خوێندن بده‌ن تا ئاستی خوێندنی باڵا.
راگه‌یاندنی به‌ڕێوه‌به‌رایه‌تی گشتی چاودێری و گه‌شه‌پێدانی كۆمه‌ڵایه‌تی سلێمانی.