یه‌كه‌مین دیداری یه‌كه‌ی ڕاوێژكاری خێزانی تایبه‌ت به قوربانیانی چه‌كی كیمیایی به‌ڕێوه‌چوو
.jpg)
له چوارچێوه‌ی دیداری خانه‌واده‌ی قوربانیانی چه‌كی كیمیایی به تایبه‌ت ئه‌و خێزانانه‌ی چاوه‌ڕێی منداڵه ونبووه‌كانیان ده‌كه‌ن‌و ئه‌و منداڵانه‌ش پاش 28 ساڵ گه‌ڕانه‌وه ئامێزی خانه‌واده‌كانیان، ئه‌مڕۆ یه‌كه‌مین چالاكی له شاری هه‌ڵه‌بجه‌ی شه‌هید‌و له هۆڵی ڕێكخراوی كۆمه‌ڵه‌ی قوربانیانی كیمیاییبارانی هه‌ڵه‌بجه‌ی شه‌هید به‌ڕێوه‌چوو .
سه‌رله‌به‌یانی ڕۆژی دووشه‌ممه، 23ی ئایاری2016، به ئاماده‌بوونی ئه‌ڵوه‌ن عه‌بدولغه‌فوور، یاریده‌ده‌ری به‌ڕێوه‌به‌ری گشتی بۆ كاروباری هونه‌ری‌‌و سالار فه‌تاح، به‌ڕێوه‌به‌ری چاودێریی كۆمه‌ڵایه‌تی شاره‌زوور‌و ئاره‌زوو غه‌فوور، لێپرسراوی به‌شی پارێزگاری خێزان‌و ئاراس ناسر، لێپرسراوی هۆبه‌ی توێژینه‌وه‌‌و پشتیوان موحه‌ممه‌د، لێپرسراوی هۆبه‌ی پاراستنی منداڵ‌و جیهاد كه‌ریم، لێپرسراوی هۆبه‌ی چاودێریی خێزان له هه‌ڵه‌بجه‌ی شه‌هید و لوقمان عه‌بدولقادر، سه‌رۆكی كۆمه‌ڵه‌ی قوربانیانی كیمیاییبارانی هه‌ڵه‌بجه‌ی شه‌هید یه‌كه‌مین دیداری یه‌كه‌ی ڕاوێژكاری تایبه‌ت به قوربانیانی چه‌كی یمیایی له شاری هه‌ڵه‌جه‌ی شه‌هید به‌ڕێوه‌چوو .
له‌و دیداره‌دا كه زیاتر له كاتژمێرو نێوێكی خایاند، ئاماده‌بووان ڕاوێژی پێویستیان بۆ خانه‌واده ئاماده‌بووه‌كان‌و خسته‌ڕوو، هه‌روه‌ك هه‌موو لایه‌ك گفتوگۆیان له‌باره‌ی كێشه كۆمه‌ڵایه‌تی‌‌و ده‌روونییه‌كانیان كردوو له باره‌یه‌وه بڕیاروایه گفتوگۆو پرس‌و ئاڵوگۆڕكرنی بیروڕا به‌رده‌وام بێت له‌پێناو كه‌مكردنه‌وه ئازارو گرفته‌كانی كه‌س‌و كاری قوربانیان‌و منداڵه ونبووه‌كان‌و ئه‌و منداڵانه‌شی ده‌گه‌ڕێنه‌وه باوه‌شی خانه‌واده‌كانیان .
|