مانه‌وه‌و به‌هێزی خێزان، مانه‌وه‌و به هێزی گه‌لێكه
به بۆنه‌ی ڕۆژی جیهانی خێزانه‌وه، به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، ڕاگه‌یه‌نراوێك له شێوه‌ی په‌یپه‌رێكدا بڵاو ده‌كاته‌وه‌و تیایدا سه‌ره‌ڕای پیرۆزبایی، به بایه‌خه‌وه باس له گرنگی‌‌و پێگه‌ی خێزان ده‌كات‌و مه‌ترسییه‌كانی هه‌ڵوه‌شانه‌وه‌ی هه‌ر خێزانێكیش ده‌خاته ڕوو .
ڕۆژی 15ی ئایاری هه‌موو ساڵێك، له لایه‌ن ڕێكخراوی نه‌ته‌وه یه‌كگرتووه‌كانه‌وه ته‌رخانه بۆ ڕۆژی جیهانی خێزان، له‌و باره‌یه‌شه‌وه، له ئاماده‌كردنی به‌شه‌كانی ( پارێزگاری خێزان‌و پلان‌و هه‌ماهه‌نگی ) به ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، په‌یپه‌رێك بڵاو ده‌كاته‌وه‌و تیایدا تیشك ده‌خاته سه‌ر خێزان‌و گرنگی‌‌و پێگه‌كه‌ی له كۆمه‌ڵگه‌دا، به‌و هیوایه‌ی پرۆسه‌ی به‌هێزكردنی خێزان له‌لایه‌ن كۆمه‌ڵگه‌وه زیاتر جێگه‌ی بایه‌خ بێت، به‌تایبه‌ت له به‌شێكی په‌یپه‌ره‌كه‌دا ڕوو له دامه‌زراوه میدیاییه‌كان كراوه‌و تیایدا داوكراوه كه به بایه‌خه‌وه له كارو به‌رهه‌مه میدیاییه‌كانیان بڕوانن‌و هه‌ر كه‌مته‌رخه‌مییه‌ك له ڕووی كۆمه‌ڵایه‌تی‌‌و ده‌روونییه‌وه ده‌بێته هۆی كێشه‌و گرفت بۆ خێزانه‌كان .
به‌شێكی زۆری ڕاگه‌یه‌نراوه‌كه‌ش ته‌رخانه بۆ قسه‌كردن له‌سه‌ر هۆكاره‌كانی جیابوونه‌وه‌ی خێزانه‌كان‌و زیانه‌كانی هه‌ڵوه‌شانه‌وه‌ی هه‌ر خێزانێك به بۆچوونێكی زانستیانه، هه‌روه‌ك به پشت به ستن به ژماره‌یه‌ك داتاو ئامار، باس له كه‌مبوونه‌وه‌ی ژماره‌ی هاوسه‌رگیریی كراوه، هه‌روه‌ك ڕێژه‌كانی جیابوونه‌وه‌ش خراونه‌ته ڕوو .
ته‌واوی په‌یپه‌ره‌كه له‌م لینكه‌وه به شێوه‌ی پی دی ئێف بخوێنه‌ره‌وه :
مانةوةى خيزان مانةوةى كةليكة.pdf
|