پڕۆژه‌كانی دوو دایه‌نگه‌ی نوێ ده‌گه‌نه كۆتایی‌‌و بڕیاروایه به فه‌رمی بكرێنه‌وه
سه‌ره‌ڕای قه‌یرانی دارایی، له ماوه‌ی ڕابردوودا هه‌ردوو پڕۆژه‌ی دروستكردنی دایه‌نگه‌ی به‌ختیاری‌‌و چوارباخ به‌رده‌وامبوون‌و بڕیاروایه ڕۆژی دوو شه‌ممه له بۆنه‌یه‌كی تایبه‌تدا به فه‌رمی بكرێنه‌وه .
به‌بۆنه‌ی به فه‌رمی كردنه‌وه‌ی دایه‌نگه‌كان، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و ئه‌ڵوه‌ن عه‌بدولغه‌فوور، یاریده‌ده‌ری به‌ڕێوه‌به‌ری گشتی‌‌و سه‌رنج حه‌مه‌سه‌عید، به‌ڕێوه‌به‌ری چاودێریی كۆمه‌ڵایه‌تی سلێمانی، سه‌ردانی دایه‌نگه‌ی به‌ختیاریی كردو له نزیكه‌وه به‌شه‌‌وكانی دایه‌نگه‌كه‌ی به‌سه‌ركرده‌وه .
جێی ئاماژه‌یه كه دایه‌نگه‌ی به‌ختیاری یه‌كێك له پڕۆژی به‌رده‌وامه‌كانی به‌ڕیوه‌به‌رایه‌تی گشتییه‌وه سه‌ره‌ڕای قه‌یرانی دارایی له لایه‌ن كۆمپانیای به‌ڵێنده‌ره‌وه ڕانه‌گیرا تا ته‌واوبوونی پڕۆژه‌كه، هه‌ربۆیه بڕیاروایه له ڕۆژی دووشه‌ممه، له‌گه‌ڵ دایه‌نگه‌ی چوارباخ كه ماوه‌یه‌ك پێش ئێستا وه‌رگیراوه‌و به فه‌رمی نه‌كراونه‌ته‌وه، هه‌ردوو پڕۆژه‌كه به فه‌رمی به ڕووی منداڵه نازداره‌كاندا بكرێنه‌وه .
|