لێدوانی ڕۆژنامەوانی بەڕێوەبەرایەتی گشتی سەبارەت بە دۆسیەی منداڵێک لە سلێمانی
پاشئەوەی لەلایەن ژمارەیەک لە چالاکوانی بواری مافی مرۆڤ‌و دەزگای ڕاگەیاندن لە کێشەی منداڵێکی تەمەن (١٠)ساڵان لە سلێمانی ئاگادارکراین، بەڕێوەبەرایەتی گشتییمان لەو بارەیەوە ئەم لێدوانە بۆ ڕایگشتی دەخاتەڕوو:
ئەمڕۆ شەممە، ٢٧ی ٦ی ٢٠٢٠، تویژەرانمان لە بەشی (پارێزگاری خێزان) لە دیوانی بەڕێوەبەرایەتی گشتی‌‌و (بەڕێوەبەرایەتی چاودێری کۆمەڵایەتی سلێمانی) سەردانی ئەو خێزانەیان کردوو پاش تێگەیشتن و تاوتوێکردنی کێشەکە بڕیاردرا ئەو منداڵە لەو ژینگەیەی تێیدا دەژی دوور بخرێتەوە، هەربۆیە هەموو لایەک دڵنیا دەکەینەوە کە لە ئێستەدا منداڵەکە لە ماڵی(نەوجەوانانی کچان) حەوێنراوەتەوە، پاشان بەدواداچوونی لایەنی تەندروستی منداڵەکە دەکرێت‌و خزمەتگوزاری دەروونی‌‌و کۆمەڵایەتی پێشکەش دەکرێت، هەروەها بەهاوکاری دادگای نەوجەوانان بەدواداچوونی لایەنی یاسایی دۆسیەکە دەکەین، و لە ئایندەشدا هەوڵدەدەین بە لەبەرچاوگرتنی بەرژەوەندی باڵای منداڵەکەو خێزانەکەى، چارەسەری گونجاوتر بدۆزینەوە.
لەگەڵ ڕێزدا
ڕاگەیاندنی بەڕێوەبەرایەتی گشتی چاودێری‌‌و گەشەپێدانی کۆمەڵایەتی سلێمانی
٢٧ی ٦ی ٢٠٢٠
|