بەڕێوەبەری گشتی پێشوازی لە خاوەنی کارگەی ئاسمان دەکات
ڕۆژی چوارشەممە، ١٧ی ٦ی ٢٠٢٠، بەڕێز م.عومەر گوڵپی، بەڕێوەبەری گشتی چاودێری و گەشەپێدانی کۆمەڵایەتی سلێمانی پێشوازیکرد لە بەڕێز کاک شێخ سەباح، خاوەنی کارگەی ئاسمان بۆ بەرهەمهێنانی سفرەی سەفەری‌‌و کاک مەحمود کەرکوکی هاوڕێى.
لەو دیدارەدا بەڕێز بەڕێوەبەری گشتی سیستمی پێشوازی لە هاوکاری خێرخوازانی بۆ بەڕێزیان ڕوونکردەوە کە بە سیستمێک تەواو دروست و یاسایی بەڕێوەبەرایەتی چاودێری کۆمەڵایەتی سلێمانی پێشوازی لە هاوکاری خێرخوازان و چاکەکاران دەکات کە بەهۆیەوە بەشێک لە کەم و کورتی ماڵەکانی منداڵان و بەساڵاچووان و کەمی بودجە پڕ دەکاتەوە، هەروەها ئەوەشی ڕوونکردەوە کە هاوکاریی خێرخوازان لە ماوەی پێنج ساڵی ڕابردوودا زۆر بەباشی ڕۆڵی هەبووە لە باشتر بەڕێوەبردنی ماڵەکانی منداڵان و بەساڵاچووان و داڵدەدان ئەوەش بە هیممەتی چاکەکاران و هاووڵاتیانى خۆشەویست کە هەمیشە لە کاتی تەنگ و چەڵەمەو کێشەو گرفت و کارەساتەکاندا زۆر ئازایانە ئەرکی خۆیان جێ بەجێ دەکەن بەرانبەر دامەزراوە هەستیارو خزمەتگوزارییەکانی کۆمەڵگە.
لای خۆشیەوە کاک شێخ سەباح، ئامادەیی خۆی و کارگەکەی دەربڕی کە بە پێی توانا هاکارو پاڵپشتی ئەو بەڕێوەبەرایەتییە گرنگە بێت لە سنوری کاری بەڕێوەبەرایەتی گشتی و دەستخۆشی لە کارو چالاکییەکانی بەڕێوەبەرایەتی گشتی کرد لە بواری چاودێری و لەخۆگرتنی منداڵان و بەساڵاچووان و ژنانی داڵدەدراو، و بەڕێوەبەری گشتیش زۆر سوپاسی سەردان و پاڵپشتی و بەسەرکردنەوەی بەڕێزیانی کردو هیوای سەرکەوتنی بۆ خواستن.
|