ڕاهێنانێكی تایبه‌ت به چۆنیه‌تی مامه‌ڵه له‌گه‌ڵ نه‌خۆشییه گوازراوه‌كان بۆ هێڵی فریاكه‌وتنی منداڵان به‌ڕێوه‌چوو
ڕۆژی دووشه‌ممه، 30ی 3ی 2020، به‌مه‌به‌ستی ئاشنابوونی ستافه‌كان به خه‌سڵه‌ت‌و تایبه‌تمه‌ندی‌‌و چۆنیه‌تی خۆپارێزی له نه‌خۆشییه گوازراوه‌كان‌و به‌تایبه‌ت نه‌خۆشی كۆرۆنا، له هێڵی گه‌رمی فریاكه‌وتنی منداڵان ڕاهێنانێكی تایبه‌ت به‌ڕێوه‌چوو.
له ڕاهێنانه‌دا كه سه‌عات‌و نێوێكی خایاندو له‌لایه‌ن به‌ڕێز د.عوسمان جه‌مال، پسپۆڕی نه‌خۆشییه گوازراوه‌كان له كۆلێجی ڤێترنه‌ری زانكۆی سلێمانی وترایه‌وه، ستافه‌كانی هێڵی 116ی فریاكه‌وتنی منداڵان ڕاهێنران له‌سه‌ر وه‌ڵامدانه‌وه‌ی ئه‌و په‌یوه‌ندییانه‌ی كه په‌یوه‌ندیدارن به نه‌خۆشی كۆرۆناو چۆنیه‌تی خۆپاراستن لێی كه له‌لایه‌ن منداڵان‌و خێزانه‌كانیانه‌وه ڕووبه‌ڕوویان ده‌كرێته‌وه.
جێی ئاماژه‌یه هێڵی گه‌رمی فریاكه‌وتنی منداڵان له سلێمانی، له ئێسته‌دا به درێژایی ڕۆژو له هه‌فته‌یه‌كدا حه‌وت ڕۆژ وه‌ڵامی په‌یوه‌ندییه‌كان ده‌داته‌وه.
|