بەڕێوەبەرى گشتى پرسە نامەیەک ئاراستەى بنەماڵەى خوالێخۆشبوو م.ئەسغەر دەکات
به‌ناوی خوای به‌خشنده‌ی میهره‌بان
بەڕێزان/ خانه‌واده‌ی به‌ڕێزی م.ئه‌سغه‌ر ڕه‌شید
بۆ كۆچی دوایی مامۆستای دڵسۆزو وێنه‌كێشی به تواناو ده‌ستڕه‌نگین، مامۆستا ئه‌سغه‌ر، مامۆستا له ماڵی نه‌وجه‌وانانی كوڕانی سه‌ر به به‌ڕێوه‌به‌رایه‌تی چاودێری كۆمه‌ڵایه‌تی سلێمانی خه‌م‌و په‌ژاره‌و دڵته‌نگی خۆمان به ئەندامانی خێزانی مامۆستاو بنه‌ماڵه به‌ڕێزه‌كه‌تان و سەرجەم خزمان ڕاده‌گه‌یه‌نین‌و له خوای گه‌وره ده‌پارێێنه‌وه له گوناهی مامۆستا ئه‌سغه‌ر خۆش بێت‌و تەمەنێک لە كارو ماندووبوون‌و خزمه‌ته‌كانی به منداڵان‌و قوتابیان و گه‌ل‌و وڵاته‌كه‌ی بۆ بكاته كه‌فاره‌تی گوناهه‌كانی‌‌و له به‌هه‌شته‌كه‌ی خۆیدا بیحه‌وێنێته‌وه، هەروەک لە خوای بە بەزەیی دەپاڕێینەوە ئارامی‌‌و سه‌بوری به‌سه‌ر دڵی ئێوه‌ی به‌ڕێزو ئێمه‌و هاوكارو هاوپیشه‌و خۆشه‌ویستانیدا بپرژێنێت و ئاخیری كۆست‌و ناخۆشی‌و خه‌متان بێت.
انا لله وانا الیه راجعون
براتان
عومه‌ر گوڵپی
به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی
٢٧ی ٣ی ٢٠٢٠
|