به‌ڕێوه‌به‌ری گشتی پێشوازی له شاندێكی كۆمپانیای یونایتد ساینس بۆ په‌روه‌رده‌و فێركردن ده‌كات
ڕۆژی دووشه‌ممه، 9ی 3ی 2020، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی پێشوازیكرد له شاندێكی كۆمپانیای یونایتد ساینس بۆ په‌روه‌رده‌و فێركردن كه پێكهاتبوون له به‌ڕێزان یاسین عارف، یاریده‌ده‌ری به‌ڕێوه‌به‌ری گشتی كۆمپانیاو به‌یار ئیبراهیم، به‌رپرسی به‌یه‌وه‌ندییه‌كان‌و ئوسامه خالید،پارێزه‌ری كۆمپانیا.
ئامانجی سه‌ردانه‌كه بریتبوو له ناساندنی كۆمپانیا به به‌ڕێوه‌به‌رایه‌تی گشتی‌‌و باسكردن له سه‌ركه‌وتنه‌كانی كۆمپانیا له بواری په‌روه‌رده‌و فێركردن له قۆناغی بنه‌ڕه‌تی‌‌و ئاماده‌یی‌‌و به‌ڕێوه‌بردنی شه‌ش قوتابخانه له هه‌ردوو پارێزگای سلێمانی‌‌و هه‌ڵه‌بجه‌و فراوانكردنی كاره‌كانیان بۆ په‌روه‌رده له خوار ته‌مه‌نی چوارساڵیه‌وه كه قۆناغی دایه‌نگه ده‌گرێته‌وه.
لای خۆیه‌وه به‌ڕێز به‌ڕێوه‌به‌ری گشتی ده‌ستخۆشی له كاره‌كانی كۆمپانیای یونایتد ساینس كرد به‌تایبه‌ت له دیاربوونیان جێده‌ستیان له بواری په‌روه‌رده‌و پێگه‌یاندنی گه‌نجان‌و بوونی سیستمێكی باشی په‌روه‌رده‌كردن له دامه‌زراوه‌كانیان، هه‌وره‌ك هاوكاریو ئاسانكاری به‌ڕێوه‌به‌رایه‌تی گشتیشی بۆ كۆمپانیا خسته‌ڕوو له بواری كاركردن له دایه‌نگه‌و له چوارصێوه‌ی سیستم‌و ڕێنماییه‌كاندا.
|