به‌ڕێوه‌به‌رایه‌تی گشتی سیمینارێكی بۆ به‌ڕێوبه‌ری دایه‌نگه‌كان سازكرد
![]()
ڕۆژی سێشه‌ممه، 25ی 2ی 2020، به ئاماده‌بوونی به‌ڕێزان ئه‌ڵوه‌ن عه‌بدولغه‌فوور، یاریده‌ده‌ری به‌ڕێوه‌به‌ری گشتی بۆ كاروباری هونه‌ری‌‌و هیوا سه‌عید، سه‌رپه‌رشتیاری په‌روه‌ده‌یی، به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی هه‌ستا به سازدانی سیمینارێكی تایبه‌ت به ناسین‌و چۆنیه‌تی خۆپارێزی له نه‌خۆشیی كۆرۆنا كه له‌لایه‌ن به‌ڕێز د.عه‌بدولفه‌تاح هه‌ورامی، به‌ڕێوه‌به‌ری سه‌نته‌ری ڕاوێژكاری وترایه‌وه.
له پێشه‌كی سیمیناره‌كه‌دا هه‌ریه‌كه له به‌ڕێزان ئه‌ڵوه‌ن عه‌بدولغه‌فوورو هیوا سه‌عید، ئامانجی سیمیناره‌كه‌و سیاسه‌تی‌‌و ڕێنمایی به‌ڕێوه‌به‌رایه‌تی گشتیان بۆ ئاماده‌بووان ڕوونكرده‌وه و پاشان به‌ڕێز د.عه‌بدولفه‌تاح، هه‌ورامی، له ماوه‌ی (90) خوله‌كدا سیمینارێكی تایبه‌تی له‌سه‌ر ناسینی نه‌خۆشی كۆرۆنا و چۆنیه‌تی خۆپاراستن بۆ ئاماده‌بووان ڕوونكرده‌وه.
له‌و سیمیناره‌دا به‌ڕێز د.عه‌بدولفه‌تاح، ڕوونیكرده‌وه كه هێنده‌ی ڕۆشنبیری به‌رانبه‌ر نه‌خۆشییه‌كه‌و ڤایرۆسه‌كه گرنگه هێنده ترس‌و بڵاوكردنه‌وه‌ی ترس‌و بیم خزمه‌ت به كۆمه‌ڵگه‌كه‌مان ناكات‌و پێویسته سه‌رجه‌م به‌ڕێوه‌به‌ری دایه‌نگه‌كان‌و به‌ڕێوه‌به‌ری قوتابخانه‌كان منداڵان‌و دایك‌و باوكیان وشیاربكه‌نه‌وه له‌سه‌ر پاك‌و خاوێنی‌‌و چۆنیه‌تی خۆپارێزی‌‌و دووركه‌وتنه‌وه له تێكه‌ڵی زۆرو دروست مامه‌ڵه كردن له‌گه‌ڵ هه‌ر حاڵه‌تێك كه گومانی ئه‌و نه‌خۆشییه‌ی لێ كرا.
|