كۆبوونه‌وه‌ی ئاسایی دیوانی به‌ڕێوه‌به‌رایه‌تی گشتی به‌ڕێوه‌چوو
ڕۆژی دووشه‌ممه، 2ی ئایاری 2016، به سه‌رپه‌رشتی عومه‌ر گوڵپی، به‌ڕێوه‌به‌ری گشتی‌‌و به ئاماده‌بوونی یاریده‌ده‌رانی به‌ڕێوه‌به‌ری گشتی‌‌و به‌ڕێوه‌به‌ری كارگێڕی دیوان‌و سه‌رجه‌م به‌شه‌كان، به‌ڕێوه‌به‌رایه‌تی گشتی چاودێریی‌‌و گه‌شه‌پێدان كۆمه‌ڵایه‌تی له پارێزگای سلێمانی، كۆبوونه‌وه‌ی ئاسایی خۆی گرێدا .
له‌و كۆبوونه‌وه ئاساییه‌دا، به‌ڕێوه‌به‌ری گشتی وته‌یه‌كی پێشكه‌شكرد، له وته‌كه‌یدا هیوای خواست به‌زوویی وه‌زاره‌تی دارایی‌‌و وه‌زاره‌تی كار كاربكه‌ن بۆ خه‌رجكردنی مووچه‌ی هاوكاری كۆمه‌ڵایه‌تی خاوه‌ن پێداویستییه تایبه‌ته‌كان‌و چاودێریی خێزان، هه‌روه‌ك چاوه‌ڕوانی خۆی له جێبه‌جێكردنی هه‌ر ئه‌ركێكی به دڵسۆزانه خسته‌ڕوو كه له‌باره‌ی كاركردن بۆ كه‌مئه‌ندامان‌و چاودێریی خێزان له‌و ئه‌ركانه‌ی ده‌كه‌وێته ئه‌ستۆی به‌ڕێوه‌به‌رایه‌تی گشتی‌‌و به‌ش‌و به‌ڕێوه‌به‌رێتییه‌كانی سنوری كاری به‌ڕێوه‌به‌رایه‌تی گشتی چاودێریو گه‌شه‌پێدانی كۆمه‌ڵایه‌تی .
له درێژه‌یدا، ئاماده‌بووانی كۆبوونه‌وه‌كه به گرنگییه‌وه هه‌ڵسه‌نگاندنیان بۆ كارو چالاكییه‌كانی دوو مانگی ڕابردووی به‌شه‌كانی به‌ڕێوبه‌رایه‌تی گشتی كرد، هه‌روه‌ها پلان‌و به‌رنامه‌ی پێویست بۆ هێنانه‌دی ئامانجه‌كانی داهاتوو دانرا، به‌تایبه‌ت له چۆنییه‌تی سه‌رخستنی پڕۆژه‌ی كاركردن بۆ هێنانه‌دی تایبه‌تمه‌ندییه‌كانی گونجاو له‌گه‌ڵ توانای خاوه‌ن پێداویستی تایبه‌ت له بینا حكومی‌‌و ئه‌هلییه‌كاندا، له‌م باره‌یه‌وه ڕێوشوێنی پێویست گیرایه به‌ر .
|