به‌ڕێوه‌چوونی كۆبوونه‌وه‌ی ئاسایی، ژماره(2)ی ساڵی (2020)ی ئه‌نجومه‌نی فراوانی به‌ڕێوه‌به‌رایه‌تی گشتی
به‌ڕێوه‌چوونی كۆبوونه‌وه‌ی ئاسایی، ژماره(2)ی ساڵی (2020)ی ئه‌نجومه‌نی فراوانی به‌ڕێوه‌به‌رایه‌تی گشتی
ڕۆژی چوارشه‌ممه، 19ی 2ی 2020، به سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و ئاماده‌بوونی جێگرانی به‌ڕێوه‌به‌ری گشتی‌‌و شاره‌زایانی دیوان‌و به‌ڕێوه‌به‌ری فه‌رمانگه‌كان‌و به‌رپرسی به‌شه‌كانی دیوانی به‌ڕێوه‌به‌رایه‌تی گشتی، ئه‌نجومه‌نی فراوانی به‌ڕێوه‌به‌رایه‌تی گشتی كۆبوونه‌وه‌ی ئاسایی، ژماره(1)ی ساڵی (2020)ی خۆی به‌ڕێوه‌برد.
له كۆبوونه‌وه‌كه‌دا وێڕای پیاچوونه‌وه به كۆنووسی كۆبوونه‌وه‌ی پێشوو، به‌رنامه‌كانی كۆبوونه‌وه كه (11)ته‌وه‌ر بوون گفتوگۆكران كه په‌یوه‌ندیداربوون به به‌دواداچوونی پلانی ساڵانه‌و كێشه‌و گرفتی فه‌رمانگه‌كان‌و په‌ره‌پێدانی سیستمی به‌ڕێوه‌بردن‌و به داتاكردنی كارو چالاكییه ڕۆژانه‌ییه‌كان‌و دانانی ڕێوشوێنی پێویست بۆ باشتر جێ به‌جێكردنی یاساو ڕێنماییه‌كان‌و ئاسانكاری بۆ كارو مامه‌ڵه‌ی هاووڵاتیان كه به‌مه‌به‌ست جیاجیا سه‌ردانی فه‌رمانگه‌كان ده‌كه‌ن.
كۆبوونه‌وه‌كانی ئه‌نجومه‌نی فراوانی به‌ڕێوه‌به‌رایه‌تی گشتی به شێوه‌یه‌كی ئاسایی مانگانه به‌ڕێوه ده‌چن‌و تیایدا سه‌رجه‌م به‌شداربووان كه سه‌رجه‌م به‌رپرسانی سنوری كاری به‌ڕێوه‌به‌رایه‌تی گشتین به شێوه‌یه‌كی دیموكراتیانه‌و ئازادنه گفتوگۆی پلان‌و به‌رنامه‌و كێشه‌و گرفته‌كان ده‌كه‌ن‌و بۆ هه‌ر بوارێك هاوته‌ریبی یاساو ڕێنماییه‌كان بڕیاری پێویست ده‌درێت.
|